तिलोत्तमा । रूपन्देहीको तिलोत्तमा नगरपालिकामा क्रियाशील भलवारी जेसीजको नयाँ नेतृत्व सर्वसम्मत चयन भएको छ । शाखाको बुधबार सम्पन्न एक्काइसौं अधिवेशनबाट चन्द्रप्रसाद भट्टराई (जीवन) को नेतृत्वमा वर्ष २०२४ का लागि नयाँ कार्यसमिति चयन भएको हो । नवनिर्वाचित अध्यक्ष भट्टराई रियलस्टेट, नर्सरी व्यवसाय तथा मोडलिङ् पेशामा आवद्ध हुनुहुन्छ ।
नवनिर्वाचित समितिका कार्यकारिणी उपाध्यक्षमा अरूण पन्थी र प्रेमनारायण पंगेनी (अमित) हुनुहुन्छ भने उपाध्यक्षमा राजन सुवेदी, भुवन अधिकारी, लक्ष्मण ढुंगाना र शंकर आचार्य रहनुभएको छ । त्यस्तै, नयाँ समितिका सह–सचिवमा सागर भुसाल र सह–कोषाध्यक्षमा नितिश पाण्डे विजयी हुनुभएको प्रमुख निर्वाचन आयुक्त किशोर पंगेनीले जानकारी दिनुभयो ।
निर्वाचन सम्पन्न भएलगत्तै वर्ष २०२३ र वर्ष २०२४ को संयुक्त बोर्ड बैठकले आगामी पौषको तेश्रो साता पदहस्तान्तरणको कार्यक्रम गर्ने वर्ष २०२३ का अध्यक्ष माधवप्रसाद पाण्डेयले जानकारी दिनुभयो ।
पदाधिकारी निर्वाचनअघि निर्वाचन आयुक्त एवम् शाखाका पूर्व अध्यक्ष मुक्तिनाथ गैह्रेले उम्मेदवारी प्रशिक्षण दिनुभएको थियो भने पूर्व अध्यक्ष मनोज आचार्यको प्रमुख आतिथ्यमा शाखाको २२ औं साधारण सभा सम्पन्न भएको थियो । साधारण सभाले महासचिव भुवन नेपाल र कोषाध्यक्ष मीनप्रसाद तिवारीको प्रतिवेदन सर्वसम्मत पारित गरेको उपाध्यक्ष रूपेश पाण्डेले जानकारी दिनुभयो ।
