गुल्मीको शान्तिपुरमा नग्न अवस्थामा किशोरीको शव फेला

गुल्मी । गुल्मीको चन्द्रकोट गाउँपालिका अन्तर्गत शान्तिपुरको पुल मुनि खोलामा नग्न अवस्थामा एक किशोरीको शव फेला परेको छ । जिल्ला प्रहरी कार्यालयका प्रवक्ता प्रहरी नायव उपरीक्षक डिल्लिनारायण पाण्डेले खोलामा युवतीको शव फेला परेको जानकारी आउना साथ प्रहरी गएको बताए ।
स्थानीयले चन्द्रकोट गाउँपालिका ४ घर भई शान्तिपुर बजारको श्रीलंकाटोल बस्ने वर्ष १५ की किशोरी उदय मावि अगाडिको झोलोङ्गे पुल तल हुग्दी खोलामा आज बिहान नग्न अवस्थामा मृत फेला परेको शान्तिपुरका युवा समाजसेवी कमल खत्रीले जानकारी दिए । मृत भेटिएकी किशोरी स्थानीय कक्षा ९ मा अध्ययन गर्ने मनिषा चुदाँली भएको स्थानीयलेले दाबी गरेका छन् । शवको बारेमा अनुसन्धान जारी रहेको भन्दै प्रहरीले भने नाम खुलाएको छैन ।
चन्द्रकोट गाउँपालिका अध्यक्ष युवराज खत्री क्षेत्रीका अनुसार हिजो दिउँसो करिव २ बजेसम्म खेतमा काम गरेको, त्यस यता उनी सम्पर्कविहिन थिईन ।