पाल्पा । पाल्पामा भएको मोटरसाइकल दुर्घटनामा एक जनाको मृत्यु भएको छ ।
स्याङ्जाबाट बुटवलतर्फ जाँदै गरेको लु १४ प ८८७१ नम्बरको मोटरसाइकल शनिबार दिउँसो सिद्धार्थ राजमार्गको पाल्पा खण्ड अन्तर्गत माथागढी गाउँपालिका– १ बिरौटामा दुर्घटना हुँदा मोटरसाइकलमा सवार स्याङ्जा वालिङ नगरपालिका–५ का ४१ वर्षका मोहनीलाल थापा घाइते भएका थिए । थापा दशैं मनायर बुटवलतर्फ आउंदै गरेका प्रहरीले जनाएको छ ।
थापालाई उपचारका लागि पाल्पा अस्पतालमा पठाइएकामा डाक्टरले मृत घोषणा गरेको जिल्ला प्रहरी कार्यालय पाल्पाका प्रहरी नायव उपरीक्षक सुगन्ध श्रेष्ठले जानकारी दिनुभयो । मोटरसाइकल सडकबाट १० मिटर तल खसेको छ । घटनाको विषयमा थप अनुसन्धान भइरहेको प्रहरीले जनाएको छ ।
