बुटवल । बुटवल उपमहानगरपालिका ८ सुख्खानगरमा संचालित कल्याणकारी बहुउद्देश्यीय सहकारी संस्था लिमिटेडको २३ औं वार्षिक साधारण सभामा वोल्नेहरुले सहकारीहरुले शेयर सदस्यलाई केन्द्रमा राखेर उनीहरुको आम्दानीमा बृद्धिहुने कार्यक्रमलाई प्राथमिकता दिन सुझाव दिएका छन् ।
साधारण सभामा संस्थाका अध्यक्ष लक्ष्मण आचार्य क्षेत्रीले वार्षिक प्रतिबेदन प्रस्तुत गर्दै सहकारीको मुल्यमान्यताअनुसार सदस्यको हितमा काम गर्दै आएको बताउनु भयो । उहाँले सामाजिक उत्तरदाईत्व अनुसार सहकारीले जेष्ठ नागरिक सम्मान, ७० वर्ष पुगेकालाई पेन्सन वितरण, सदस्यको मृत्युमा राहात स्वरुप रकम प्रदान गर्दै आएको बताउनु भयो । सहकारीको बचत लगानीलाई परिचालन गरी आम्दानी बृद्धि गर्दै जान संस्था र संचालक समिति गम्भिर रहेको औल्याउनु भयो ।
कार्यक्रममा जिल्ला सहकारी संघ रुपन्देहीका महासचिव दामोदर पंगेनीले सहकारीका सदस्यको आम्दानी, सम्मान र संस्कारमा बृद्धि हुने गरी कार्यक्रम अगाडी बढाउन आबश्यक रहेको बताउनु भयो ।
कार्यक्रममा जिल्ला सहकारी संघ रुपन्देहीका वरिष्ठ उपाध्यक्ष डोल प्रसाद अर्यालले सहकारीमा ३ वटा अंग हुने र ती तिनै अंग अति जिम्मेवार हुनुपर्ने धारणा राख्नु भयो । सहकारीको कार्य समिति, लेखा समिति र शेयर सदस्यहरुले सहकारीमा लागेकाहरुको हकहित र अधिकार सुरक्षित गरी उनीहरुलाई बढीभन्दा बढी आम्दानी दिने सवालमा गम्भिर हुन जरुरी रहेको बताउनु भयो ।
साधारण सभामाकोषाध्यक्ष टंक कुमार खडका,को आयव्ययको वार्षिक प्रतिवेदन, लेखा समितिका संयोजकबालुरामगिरीको प्रतिवेदन, शिक्षाउपसमितिका संयोजकहुमबहादुर जिसीको प्रतिवेदनअध्यक्षको वार्षिक प्रतिवेदनव्यापक छलफल सहितपारित भएको सचिव कृष्ण प्रसाद ज्ञवालीले बताउनु भयो ।
संस्थाका जेष्ठ सदस्य एकमाया गुरुङलाई प्रमुख अतिथि बनाईएको कार्यक्रममा उपाध्यक्ष दोलराज पाण्डे, राष्ट्रिय सहकारी बैक बुटवलका प्रबन्धक नारायण वेल्वासे, वडा नम्बर ८ का वडा अधयक्ष यज्ञ प्रसाद पंगेनी, शेयर सदस्य शिबकुमारी विकलगायतले सहकारीले पुराएको योगदानको बारेमा आआफ्ना धारणा राख्नुभएको थियो ।
