रुपन्देही प्रहरीद्वारा ठुलो मात्रामा अवैध माछा नियन्त्रण

भैरहवा । जिल्ला प्रहरी कार्यालय रुपन्देहीबाट खटिएको प्रहरी टोलीले जिल्लाको रोहिणी गाउँपालिका वडा नं. ६ बोधबारबाट अन्दाजी १६ क्वीण्टल अवैध माछा बरामद गरेको छ ।
अबैध रुपमा भारतबाट नेपालतर्फ ल्याई रोहिणी गाउँपालिका वडा नं. ६ बोधबार बस्ने जलिल गद्धीको खाली घरमा लुकाई छिपाई राखेको अवस्थामा ३२ कार्टुन अन्दाजी मुल्य ४लाख ८० हजार बराबरको माछा बेवारिसे अवस्थामा फेला पारी स्थानीय मानिसहरुको रोहवरमा प्रहरीले बरामद गरेको हो । बरामद गरिएको माछा आवश्यक कारबाहीको लागि पशु क्वारेन्टाईन चेकपोष्ट बेलहियामा बुझाईएको प्रहरीले जनाएको छ ।