पेट्रोलियम पदार्थको मूल्यवृद्धिको विरोधमा बुटवलमा विद्यार्थीको प्रदर्शन

बुटवल । पेट्रोलियम पदार्थको मूल्य वृद्ध विरुद्धमा बुटवलमा विद्यार्थीहरूले विरोध प्रदर्शन गरेका छन् ।
नेपाल आयल निगमले मंगलबारदेखि लागू हुने गरी पेट्रोलियम पदार्थको मूल्यवृद्धि गरेको भन्दै बुटवल बहुमुखी क्याम्पसमा अध्ययनरत अनेरास्ववियुका विद्यार्थीहरुले बुटवल बहुमुखी क्याम्पस अगाडी सिद्धार्थ राजमार्गमा एक घण्टा विरोध प्रदर्शन गरेका हुन् ।
मूल्यवृद्धि फिर्ता गर, विद्यार्थीलाई सहुलियत देउ, महँगी घटाऊ‚ नागरिकलाई बाँच्न देऊलगायतका नारा र प्लेकार्डसहित विरोध प्रदर्श गरेका विद्यार्थीहरुले बिहान ८ देखि ९ वजे सम्म एक घण्टा चक्काजाम गरेका थिए । सरकारले पेट्रोलमा ५ रुपैयाँ र डिजेलमा १४ रुपैयाँ मुल्य वृद्धि गरेको छ ।
सरकारले पेट्रोल र डिजेलको मूल्य नघटाएसम्म आन्दोलनका कार्यक्रम निरन्तर जारिरहने अनेरास्ववियु बुटवल बहुमुखी क्याम्पस अध्यक्ष कृष्ण पाण्डेले बताउनुभयो ।