भैरहवा । नेपाली कांग्रेस रुपन्देहीले पार्टीको १० दिने बिषेश अन्तरिक अभियान सुुरु गरेको छ । पार्टी केन्द्रीय समितिको निर्णय अनुुसार जिल्लामा पनि बिषेश आन्तरिक अभियान सुुरु गरिएको हो ।
पार्टीका अन्तरिक कमीकमजोरी पत्ता लगाई त्यसमा सुधार गर्दै पार्टीलाई एक्काईसौ सताब्दिको गतिशिल, चलायमान, सवल एवं सक्षम पार्टी बनाउने उद्देश्यले आन्तरिक अभियान सुुरु गरिएको नेपाली कांग्रेस रुपन्देहीका सभापति रामकृष्ण खाणले जानकारी दिनुभयो ।
१० दिने विशेष अभियानका लागि पार्टी केन्द्रीय समितिको तर्फबाट केन्द्रीय सदस्य पुुष्पा भुुसाल र प्रदेश समितिको तर्फबाट गुल्मीका पुर्व पार्टी सभापति त्रैलोक्य प्रताप सेन प्रतिनिधिका रुपमा खटिएको सभापति खाँणले जानकारी गराउनु भयो ।
केन्द्रबाट खटिएका प्रतिनिधिहरुले सोमबार अभियानको औचित्य र उद्देश्यका बारेमा जिल्ला कार्य समितिका पदाधिकारी र सदस्यहरुलाई सहजीकरण गरेका थिए ।
अभियान अन्तर्गत केन्द्र र प्रदेश प्रतिनिधिको उपस्थितिमा यहि साउन २५ गते क्षेत्र नं १, २६ गते क्षेत्र नं २, २८ गते क्षेत्र नं ३, २९ गते क्षेत्र नं ४ र ३० गते क्षेत्र नं ५ मा क्षेत्रीय एवं प्रदेश समितिसगं पार्टीमा देखिएका कमीकमजोरी र संगठन सुदृढिकरणका अपनाउनु पर्ने रणनीतिका विषयमा छलफल अन्तरक्रिया कार्यक्रम हुने कार्यक्रममा जानकारी गराइएको थियो ।
सो कार्यक्रम पछि बसेको पार्टी जिल्ला कार्य समितिको बैठकले पनि अभियानलाई सफल बनाउन जिल्लाबाट क्षेत्र र स्थानीय तहमा प्रतिनिधि खटाउने निर्णय गरेको छ ।
जिल्ला बाट खटिएका प्रतिनिधिहरुले क्षेत्रीय समितिसंग समन्वय गरेर यहि बिचमा कार्यक्रम गर्ने र साउन ३२ गते अभियानको औपचारिक समापन गरिने पार्टीका जिल्ला सचिव हरि काफ्लेले जानकारी दिनुभयो ।
जिल्लाले आन्तरिक अभियानका लागि क्षेत्र नं १ मा कोषाध्यक्ष हरि प्रसाद अर्याल, क्षेत्र नं २ मा सहसचिव वासुदेव रिमाल, ३ मा सचिव हरि काफ्ले, ४ मा सहसचिव बिष्णु थापा र क्षेत्र नं ५ मा सचिव परमानन्द भट्टराईलाई प्रतिनिधि खटाएको छ ।
त्यस्तै स्थानीय तहसंग समन्वय गरेका कार्यक्रम गर्नका लागि बैठकले जिल्ला सदस्यहरुलाई स्थानीय तहमा खटाएको छ । जसअनुसार देवदह नगरपालिकामा राजकुमार वाग्ले, तिलोत्तमा नगरपालिकामा सिता पोख्रेल, ओम सतियामा मोहम्मद सलिम खाँन, रोहिणीमा तिलक ज्ञवाली, बुुटवल उपमहानगरमा खिम क्षेत्री, सैनामैनामा सुनिता चौधरी, सिद्धार्थनगरमा हरिकला पाण्डे, सियारीमा कविता लम्साल, सुद्धोधनमा तारा चौधरी, मायादेवीमा शुुष्मा हमाल, कोटहीमाईमा प्रियङ्का शाही, मर्चवारीमा डिल बहादुुर चौधरी, सम्मरीमाईमा प्रकाश गुुप्ता, लुम्विनीमा जिवन बन्धुु तिवारी र गैडहवामा रुद्रमान चौधरीलाई प्रतिनिधिका रुपमा खटाएको छ ।
