बुटवल । जंगली च्याउ खादा रोल्पामा एकै परिवारका ३ जनाको मृत्यु भएको छ । जंगली च्याउ खाएर विरामी परेका रोल्पाका ३ जनाको उपचारका क्रममा बुटवलमा मृत्यु भएको हो ।
मृत्यु हुनेमा लुंग्री गाउँपालिका–५ कालापोखरा घर भएका ३३ वर्षिया भीमा गुरुङ, उनका ११ वर्षका छोरा सुशिल गुरुङ र ६ वर्षका छोरा प्रेम गुरुङ रहेका छन् ।
जिल्ला प्रहरी कार्यालय रोल्पाका प्रवक्ता प्रकाश भुसालले ६ वर्षीय प्रेम गुरुङको २८ असारमा, ११ वर्षीय सुशिल गुरुङको ३० असारमा र आमा भीमाको आइतबार मृत्यु भएको जानकारी दिनुभयो ।
२८ असारमा जंगलबाट ल्याएको च्याउ खाएर विरामी भएका उनीहरुलाई स्थानीय अस्पतालमा उपचार हुन नसकेपछि बुटवल ल्याइएको थियो । उनीहरुको लुम्बिनी प्रादेशिक अस्पताल बुटवलमा उपचारका क्रममा मृत्यु भएको जिल्ला प्रहरी कार्यालय रोल्पाले जनाएको छ ।
