बुटवल । बुटवल उपमहानगरपालिका वडा नम्बर ८ ले वडा सदस्यहरुको जिम्मेवारी बांडफांड गरेको छ ।
वडा कार्यालयद्वारा सोमबार आयोजित बार्षिक प्रगति विवरण तथा समिक्षा कार्यक्रममा वडा अध्यक्ष यज्ञप्रसाद पंगेनीले वडा सदस्यहरुलाई छुट्टा छुट्टै टोल र बिषय हेर्ने गरी जिम्मेवारी दिईएको बताए ।
समिक्षा कार्यक्रममा वडाले गरेको एक बर्षको फेहरिस्त प्रस्तुत गर्दै वडा अध्यक्ष पंगेनीले वडामा निर्वाचित सदस्यहरुलाई वडाको टोल टोल हेर्ने गरी कार्यक्षेत्र विभाजननै गरेर काम अगाडी बढाइएको जानकारी गराए ।
उनले भौतिक पुर्वाधार, विकास निर्माण, व्यवसाय, सामाजिक संघ संस्था, खानेपानी व्यवस्थापन, शिक्षा स्वास्थ्य सहित अन्य काम समेत हेर्ने गरी वडा सदस्य, सिता खनाल, हरिहर ज्ञवाली, सविता वि क र तुल बहादुर थापा लाई जिम्मेवारी प्रदान गरिए अनुसार काम जारी रहेको बताए ।
एक बर्षमा ५३ वटा बैठक बसी विकास निर्माणको काम लाई तिब्रता दिइएको अध्यक्ष पंगेनीको भनाई रहेको छ ।
वडा अध्यक्ष पंगेनीले प्रदेश वन मन्त्रालयबाट बजेृट माग भए अनुसार वडा नं ८ स्थित जे.बि. हरित पार्क निर्माण कार्य १७ लाख ५०हजारमा सम्पन्न भएको छ । यस्तै ०७९÷०८० को बजेटबाट प्रगति टोलमा पी. सी. सी. मर्मत १०५.५० मि सम्पन्न भएको छ । धर्म सृजना टोलको मुनाल पथमा पिच मर्मत १८६ मि. ग्रिल जाली सहित सम्पन्न भएको छ भने धर्म जनकल्याण टोलको लुम्बिनी पथमा बाटों पिच मर्मत ८ मि सम्पन्न भएको छ ।
त्यस्तै धर्म जनकल्याण टोलको लुम्बिनी पथमा पि.सी. सि. १०९.५० मि तथा नयाँ नाली ४ मि., नाली मर्मत १२७.६० मि सम्पन्न भएको वडा अध्यक्ष पंगेनीले बताए ।
त्यस्तै धर्म जनकल्याण टोलको शिव पथमा पिच मर्मत १५५ मि. सम्पन्न भएको छ भने त्रिशक्ती टोलमा पिच मर्मत २६०.५०, नाली १६० मी. सम्पन्न भएको वडाले जनाएको छ ।
नव जागरण टोलको विवेक मार्ग पिच मर्मत १३७.५० मी. ग्रिल जाली सहित, नयाँ नाली १३ मि. कार्य निर्माणको क्रममा रहेको वडा अध्यक्ष पंगेनीले पेश गरेको प्रतिवेदनमा उल्लेख छ ।
कार्यक्रममा प्रदेश योजना आयोगका पुर्व उपाध्यक्ष बामदेव क्षेत्री, भूमि आयोगका रुपन्देही जिल्ला अध्यक्ष हरि बहादुर आचार्य क्षेत्री, पुर्व वडा अध्यक्ष भिम प्रसाद श्रेष्ठ, नेकपा एमालेका नारायण प्रसाद घिमिरे, नेपाली काग्रेसका नेता राधेश्याम राजभण्डारी,वडा सचिव सुन्दरी आचार्य लगायतले आआफ्ना धारणा राखेका थिए ।
