तिलोत्तमा । कोरियाका संघिय सांसद तथा कोरिया–नेपाल संसदिय समितिका अध्यक्ष लि साङ हनले कोरिया सरकार नेपालसंग सधै सहकार्य गर्न तयार रहेको बताएका छन् । उनले कोरिया नेपाल बीचको सम्बन्ध सुदृढ रहेको उल्लेख गर्दै कोरियाले नेपालसंग कृषि, उद्योग, पर्यटनको क्षेत्रमा सहकार्य गर्न तयार रहेको बताए ।
मंगलबार तिलोत्तमा उद्योग बाणिज्य संघले आयोजना गरेको होली मिलन कार्यक्रममा बोल्दै हनले नेपालबाट बर्षेनी हजारौंको संख्यामा नेपालीहरु कोरिया गएर नेपाली सिपलाई प्रदर्शन गरेको समेत बताए । उनले तिलोत्तमा उद्योग बाणिज्य संघ र तिलोत्तमा नगरपालिका संग पनि सहकार्य गर्न ईच्छुक रहेको समेत सो अवसरमा बताए । नेपाल दुई विशाल राष्ट्रको बीचमा रहेकाले धेरै सम्भावना रहेको भन्दै सम्भावनालाई पहिल्याउँदै विकास गर्न सके नेपालले आर्थिक र पुर्बाधार विकासमा छिट्टै फड्र्को मार्ने उनको भनाई थियो । कोरिया देश पनि धेरै मेहनतले अहिले विश्वमा उत्कृष्ट भएको उल्लेख गर्दै नेपालको विकासका लागि आम नागरिक पनि उत्तिकै जिम्मेवारी हुनुपर्ने उनले बताए ।
होली मिलन कार्यक्रममा बोल्दै तिलोत्तमा नगरपालिकाका नगरप्रमुख रामकृष्ण खांणले तिलोत्तमा नगरपालिकाले कोरियाको स्थानिय नगरपालिका संग भगिनी सम्बन्ध स्थापित गर्न चाहेको बताय । उनले नगरपालिकासँग सहकार्य गर्न कोरिया तयार रहे आफुहरुको समेत साथ रहने बताए । उनले अहिले मौसमी कामदार कोरियामा गइरहेको भन्दै नेपालबाट गएका नेपालीहरु तोकेको काम र समयमा भन्दा बढि कोरियामा बस्दा केही समस्या उत्पन्न भएको समेत बताए । साथै उनले होली पर्वले नेपालीहरु बीचमा एकता र भाईचाराको विकास गरेको बताए ।
संघका अध्यक्ष गुणानिधी भन्डारी (माधव)ले होली नेपालीहरुको मौलिक पर्व रहेकोले यसलाई जगेर्ना उद्देश्यले नै होली मिलन कार्यक्रमको आयोजना गरेको बताए । कार्यक्रममा संघका सल्लाहकार पशुपती घिमिरेले रंगको पर्व होलीले सवै नेपालीमा उमंग छर्ने विश्वास व्यक्त गरे । उनले होलीका नाममा हुन सक्ने विकृती रोक्न हामी सवै लाग्नुपर्ने समेत बताए । उद्योग उपाध्यक्ष सुरज पङ्गेनिले सबैलाइ स्वागत गर्दै रङ्गहरुको पर्व होलिले सबैमा हार्दिकता र भाइचाराको सम्बन्ध स्थापित गर्ने बिस्वास ब्यक्त गरे ।
कार्यक्रम संघका अध्यक्ष गुणानिधी भण्डारी (माधव)को अध्यक्षता तथा महासचिव राजकुमार पाण्डेको सञ्चालनमा सम्पन्न भएको थियो ।
