इटहरी । जिल्ला प्रहरी कार्यालय इटहरिले लागू औषध सहित २ जनालाइ पक्राउ गरेको छ ।
जिल्ला सुनसरी ईटहरी उपमहानगरपालिका वडा नं ४ स्थित सार्वजनिक बाटोमा लागूऔषध खरीद विक्रि गर्दै छ भन्ने गोप्य सूचनाको आधारमा प्रहरी टोली खटि जाँदा उक्त स्थानमा २ जना पुरुष मानिसहरु शंकासपद अवस्थामा फेला परेको प्रहरिले जनायको छ । प्रहरिका अनुसार निजहरुको जिल्ला मोरङ बिराटनगर महानगर पालिका वडा नं ७ बस्ने आँसु राजवशी र सोही ठाउँ बस्ने रिकेश मण्डल फेला परेकोमा निजहरुको रितपुर्वक खानतलासी गर्दा रिकेश मण्डलले दाँया हातमा बोकेको कालो रंगको प्लास्टिक झोला भित्र लुकाइ छिपाइ राखेको अवस्थामा लागू औषध जस्तो देखिने लेवल नभएको सेतो सिसाको घाटिमा रातो घेरा भएको तरल पदार्थले भरिएको ७ एम्पुल,लेवल नभएको गाढा खैरो रंगको सिसामा तरल पदार्थले भरिएको १५ एम्पुल,लेवल नभएको फिक्का खैरो रंगको सिसामा घाटिको भागमा हरीयो चिन्ह भएको तरल पदार्थले भरिएको २ एम्पुल,लेवल नभएको फिक्का हरियो रंगको सिसाको घाटिमा सेतो घेरा भएको ५ एम्पुल फेला पारी बरामद भएको छ । उक्त लागू औषध सहित निज आँसु राजवशी र रिकेश मण्डललाई तत्काल पक्राउ गरी सुनसरी जिल्ला अदालतबाट लागू औषध नियन्त्रण ऐन २०३३ बमोजिम दिन ७ म्याद थप गरी अनुसन्धान भइरहेको ।
