ईटहरी । ईलाका प्रहरी कार्यालय, इटहरीले लागू औषध ब्राउन सुगर सहित तीन जनालाई पक्राउ गरेको छ ।
प्रहरीका अनुसार जिल्ला झापा कन्काई नगरपालिका वडा नं.३ घर भई हाल जिल्ला सुनसरी ईटहरी उपमहानगरपालिका वडा नं.६ मा डेरा गरी वस्ने वर्ष २४ को राजिव अधिकारीको डेरा कोठामा लागू औषधको कारोवार भई रहेको भन्ने गोप्य सूचनाको आधारमा ईलाका प्रहरी कार्यालय, इटहरीबाट खटिएको प्रहरी टोलीले लागू औषधको कारोवारमा संलग्न राजिव अधिकारी, निजको श्रीमती वर्ष २९ की प्रमिला घिमिरे र भारत बिहार राज्य सुपौल जिल्ला भिमनगर ग्राम पञ्चायत वडा नं.१२ बिरपुर वस्ने हरिशंकर प्रसाद गुप्ताको छोरा वर्ष २६ को विनोद कुमार गुप्तालाई पक्राउ गरिएको हो ।
पक्राउ परेकाहरुको शरीर तथा निजहरु वसेको कोठा समेत खान तलासी गर्दा लुकाई छिपाई राखेको अवस्थामा अवैध लागू औषध खैरो हिरोईन (ब्राउन सुगर) जस्तो देखिने धुलो पदार्थ ३३ ग्राम ७९० मिलिग्राम, सामसुङ कम्पनीका विभिन्न रंगका स्क्रिन टच मोवायल थान ७, रेडमी कम्पनीको स्क्रिन टच मोवायल थान २, ईनफिनिक्स कम्पनीको स्क्रिन टच मोवायल थान १, की प्याड वाला कलर्स मोवायल थान १, ओवि टेल मोवायल थान १, नोकिया मोवायल थान १, पावर बैंक थान २, हाते घडी थान ४ र तौल गर्ने डिजिटल मेसिन थान १ बरामद भएको ईटहरी प्रहरीले जनाएको छ ।
यस्तै उनीहरुको साथवाट विभिन्न दरका नेपाली रु.१ लाख ५ हजार १३०, विभिन्न दरका भारतीय रु.२२ हजार ७९०कैची थान १ र पोलिथिन झोला थान २० वरामद गरी लागू औषध सम्बन्धी कसुरमा सुनसरी जिल्ला अदालतबाट ७ दिनको म्याद थप भई अनुसन्धान भईरहेको प्रहरीले जनाएको छ ।