बुटवल, २६ भदौ । रुपन्देहीको बुटवलबाट बेपत्ता भएका तीन जना बालक भारतको मुम्बईमा फेला परेका छन् ।
बुटवल उपमहानगरपालिका–११ न्यु दुर्गानगर बस्ने १४ वर्षका सागर पौडेल, १५ वर्षका प्रदीप पन्थी र १६ वर्षका समिर लम्साल शुक्रबार बुटवलबाट बेपत्ता भएका थिए । उनीहरु विद्यालय जान निस्किए सँगै बेपत्ता भएका थिए ।
उनीहरु बुटवल–११ देवीनगरमा रहेको नवीन औद्योगिक कद्दर बहादुर स्कूलमा कक्षा ९ पढ्ने विद्यार्थी हुन् ।
हराएका तीनैजना बालक भारतको मुम्बईमा आफन्तको सम्पर्कमा आएका हुन् । हराएका बालकहरू भारतको मुम्बईमा भेटिएको १५ वर्षीय बालक सागरका मामा राजु पन्थीले जानकारी दिए । पन्थीका अनुसार उनीहरुलाई घर ल्याउने तयारी भएको छ ।
शुक्रबार विद्यालय जान्छौँ भनेर हिँडेका बालकहरू सम्पर्कमा नआएपछि परिवारले खोजतलासको लागि इलाका प्रहरी कार्यालय बुटवलमा निवेदन दिएका थिए ।