बुटवल, २२ साउन । कोभिड प्रभावित किसानलाई उनीहरुको उत्पादन बजारीकरणमा सहयोग गर्न सञ्चालित परियोजना अन्तरगत बुटवलमा प्रशिक्षक प्रशिक्षण तालिम सञ्चालन गरिएको छ । यु.एस.ए.आई.डि.को सहयोग तथा बुटवल उद्योग वाणिज्य संघ रुपन्देही, अन्तरप्रेरणा, अन्तर्राष्ट्रिय मकै तथा गहुँ सुधार केन्द्र र खेती (कृषि सम्बन्धि अनलाई एप्स)को आयोजनामा व्यवसाय विकास सेवा सम्बन्धि प्रशिक्षक प्रशिक्षण तालिम सञ्चालन गरिएको हो ।
यी संस्थाहरुले यु.एस.ए.आई.डि.को आर्थिक सहयोगमा रुपन्देही, कपिलबस्तु र पाल्पामा कोभिड प्रभावित किसानले उत्पादन गरेको ताजा तरकारीको बजारीकरणमा सहयोग गर्ने गरी परियोजना सञ्चालन गरिएको छ । एक वर्षे परियोजनालाई सफल बनाउनको लागि कृषि सम्बन्धि सहकारी संघसंस्था, बजार प्रवद्र्धक तथा अगुवा किसानलाई तालिम प्रदान गरिएको हो ।
तालिमको उद्घाटन गर्दै बुटवल उद्योग बाणिज्य संघ रुपन्देहीका कार्यवाहक अध्यक्ष दिनेशप्रसाद श्रेष्ठले किसानका कतिपय उत्पादनले बजार पाउन नसकिरहेको र अर्कोतिर बजारमा पनि ती उत्पादनको अभाव रहेको सन्दर्भमा यो परियोजना फलदायी हुने विश्वास व्यक्त गर्नुभयो । उहाँले यहाँ तालिम लिएकाहरुले तालिममा सिकेका कुरालाई स्थानीय स्तरमा गएर मातहतका किसानलाई उत्पादित बस्तुको बजारीकरणमा सिकाउन आग्रह गर्नुभयो ।
तालिममा उत्पादित बस्तुको बजारीकरण, बजारीकरणमा विद्युतीय प्रणाली माफर्त बजारीकरण लगायतका बारेमा जानकारी गराईने छ । दुई दिनसम्म सञ्चालन हुने तालिममा अन्तरप्रेरणाकी श्रद्धा शाक्यले व्यवसायी विकास सेवा तथा यसको महत्व, खेती भेन्चरका सहदेव पोखरेलले एप्समा कसरी बजारीकरण गर्ने, शुनिल तुलाधरले विजनेशको मोडल क्यानभास, संघका कार्यकारी निर्देशक मदनकुमार कार्कीले मुल्य श्रृङ्खला, व्यवसाय विकास अधिकृत विकासमान कर्माचार्यले संघले प्रदान गरिरहेको व्यवसाय विकास सेवा सम्बन्धि प्रशिक्षण गर्नुहुने छ ।
तालिममा साना किसान कृषि सहकारी, कृषि समूह तथा अगुवा किसान गरी २८ जना सहभागि रहेको संघका कार्यक्रम अधिकृत तथा परियोजनाका फोकल प्रसन केशव ढकालले जानकारी गराउनु भयो ।
