रमेश विश्वकर्मा
गुल्मी, २२ फागुन । नेपाली काँग्रेस गुल्मीको अठोट ः सबल वडा, सक्षम टोल अभियान अन्तर्गत जिल्लाका ९३ वटै वडामा मध्य–समिक्षात्मक बैठक सम्पन्न भएको छ ।
गत पौष २७ गते जिल्लाका ९३ वटै वडामा प्रतिनिधि खटाएर सुभारम्भ गरिएको ‘गुल्मी कांग्रेसको अठोट ः सबल वडा, सक्षम टोल’ नामक अभियानको मध्य–समिक्षात्मक बैठक सम्पन्न भएको नेपाली काँग्रेस गुल्मीका सभापति खिलध्वज पन्थीले बताउनु भयो । अभियानको मध्य–समिक्षात्मक बैठकका लागि ९३ वटै वडामा जिल्लाबाट प्रतिनिधि खटाइएको सभापति पन्थीले बताउनु भयो ।
पार्टीको १४ औं महाधिबेशन अन्तर्गत गुल्मी जिल्ला अधिबेशनबाट पन्थी सभापतिमा निर्वाचित भएपछि गत पौष २१ गते बसेको नेपाली काँग्रेस गुल्मीको पहिलो बैठकले ‘गुल्मी काँग्रेसको अठोट ः सबल वडा, सक्षम टोल’ अभियान नामक संकल्प पारित गरेको थियो । पार्टी सँगठन लाई बलियो बनाउनका लागि यस्तो अभियान सञ्चालन गरेको काँगे्रसले बताएको छ ।
काँग्रेस पार्टीलाई जिल्लामा सबल र सक्षम पार्टी बनाउन यो अभियान चलाईएकोे र यो अभियान जिल्लामा काँंग्रेसलाई एकताबद्ध बनाउनको लागि महत्वपुर्ण रहने सभापति पन्थीको दाबी छ ।
