काठमाडौं, ४ पुस । नेपाली काँंग्रेसको १४ औं महाधिवेशन अन्र्तगत खुलातर्फको केन्द्रिय सदस्यको मत गणना सकिएको छ । खुला केन्द्रीय सदस्यको मतगणना सकिएर निर्वाचन समितिले केहीबेरमा अन्तिम मतपरिणाम सार्वजनिक गर्दैछ ।
नेपाली काँग्रेसको विधानमा खुला केन्द्रीय सदस्यको संख्या ३५ जना निर्वाचित हुने उल्लेख छ । १४ औं महाधिबेशनमा ३५ जना खुला सदस्यका लागि ९९ जना चुनावी प्रतिष्पर्धामा रहेका थिए ।
खुला केन्द्रीय सदस्यमा सबैभन्दा बढी मत डा. शशांक कोईरालाले प्राप्त गर्नुभएको छ । यस्तै एनपी साउद, बालकृष्ण खाँण, उदयशमशेर राणा, रामहरी खतिवडा, रमेश लेखक, ज्ञानेन्द्र बहादुर कार्की, शंकर भण्डारी लगायतले पनि बढी मत प्राप्त गर्नुभएको छ ।
काँग्रेसको १४ औं महाधिबेशन अन्तर्गत खुला केन्द्रीय सदस्यका लागि भएको निर्वाचनमा १६ जना नयाँ अनुहारले प्रबेश पाएका छन् । नयाँ अनुहारमा नेविसंघ, तरुण दलका अध्यक्ष सहित पत्रकारसमेत रहेका छन् ।
नेपाली काँग्रेसको केन्द्रीय सदस्य हुने नयां अनुहारमा यी हुन् १६ नयाँ अनुहार उदयशमशेर राणा, रामहरी खतिवडा, जितजंग बस्नेत, नैनसिंह महर, कुन्दनराज काफ्ले, गुरु बराल, सञ्जयकुमार गौतम, डा.गोविन्दराज पोखरेल, राजीव ढुंगाना, दिनेश कोइराला, मदनबहादुर अमात्य, अजयबाबु शिवाकोटी, उमेशजंग रायामाझी, गणेश लामा, कृष्णकिशोर घिमिरे र मोहन आचार्य हुनुहुन्छ ।
