बुटवलमा तीन लाख मुल्यको अबैध रेडबुल बरामद

भैरहवा, २९ कात्तिक । जिल्ला प्रहरी कार्यालय रुपन्देहीले नेपाल सरकारबाट प्रतिबन्धित तीन लाख मुल्य बराबरको भारतिय अबैध रेड बुल बरामद गरेको छ ।
जिल्ला प्रहरी कार्यालय मातहत ईलाका प्रहरी कार्यालय बुटवल र वडा प्रहरी कार्यालय रामनगर बुटवलबाट खटिएको संयूक्त प्रहरी टोलीले कात्तिक २८ गते साँझ बुटवल उप–महानगरपालिका वडा नं.६ नेपालगञ्ज रोड स्थित गोपाल सिद्ध किराना स्टोरमा चेकजांच गर्दा अबैध भारतिय रेड बुल ११७ कार्टुन (२८०८ पिस) सहित एक जनालाई नियन्त्रणमा लिएको छ ।
प्रहरी टोलीले रेडबुल बरामद गरी सो स्टोरका संचालक बर्ष–६७ को कृष्ण प्रसाद पोख्रेललाई नियन्त्रणमा लिई थप अनुसन्धान कार्य पश्चात आज आवश्यक कारवाहीको लागि मानिस सहित रेडबुल भन्सार कार्यालय बेलहिया रुपन्देही पठाईएको सहायक प्रहरी प्रवक्ता प्रहरी निरीक्षक भाष्कर चन्दले जानकारी गराउनु भयो ।