१० जिउ अबैध राँगा भैँसी कपिलवस्तु प्रहरीको नियन्त्रणमा

कपिलवस्तु, १५ कात्तिक । जिल्ला प्रहरी कार्यालय कपिलवस्तुले ३ लाख मुल्य बराबरका १० जिउ अवैध राँगा भैँसी नियन्त्रणमा लिएको छ ।
जिल्लाको शुद्धोधन गाउँपालिका वडा नं.–३ झरुवामा कपिलवस्तुबाट रुपन्देही तर्फ अबैध रुपमा मानिसले हिडाउँदै लैजाँदै गरेका भैँसी १ जिउ, पाडि ३ जिउ र राँगा ६ जिउ गरी १० जिउ राँगा र भैँसी प्रहरी चौकी लबनीबाट खटिएको प्रहरी गस्ति टोलीले नियन्त्रणमा लिएको हो । प्रहरीलाई देखेपछि राँगा र भैँसी ल्याउंदै गरेको मानिस फरार भएको र राँगा र भैँसि नियन्त्रणमा लिई ईलाका प्रहरी कार्यालय पकडीले जिल्ला प्रहरी कार्यालयमा दाखिला गरेको जिल्ला प्रहरी कार्यालयका प्रवक्ता प्रहरी उपरीक्षक धर्मराज भण्डारीले जानकारी दिनुभयो । उहांका अनुसार प्रहरीले नियन्त्रणमा लिएका राँगा र भैसी आबश्यक कारबाहीको लागि सुठौली भन्सार कार्यालय पठाईएको छ ।