बुटवल, १४ कात्तिक । न्यू होराइजन स्कूल बुटवल रुपन्देहीका प्राचार्य, शैक्षिक, बौद्धिक एवम प्राज्ञिक ब्यक्तित्व लोकनाथ उपाध्यायलाई मातृशोक परेको छ । प्याब्सन नेपालका प्राज्ञिक सल्लाहाकार तथा विभिन्न सामाजिक संघसंस्थामा आवद्ध रहनुभएका उपाध्यायकी माता भूमादेबी उपाध्यायको आज (आईतबार ) अपरान्ह ९३ बर्षको उमेरमा आफ्नै निवास बुटवल कालिकानगरमा निधन भएको हो । स्वर्गीय भूमादेबीका लोकनाथ र शँकर दुईभाई छोरा छन् ।
गुल्मी जिल्लाको साविक लिम्घा गाउँ विकास समिति–१, हाल सत्यवती गाउँपालिका–४ खोडडाँडामा स्थायी बसोबास गर्नुभएकी भूमादेबी छोराहरु लोकनाथ र शँकरको परिवारसंगै बसाई सराई गरी बुटवल कालिकानगरमा आउनु भएको थियो । उहांको आजै गुल्मी रुद्रवेणी स्थित पवित्र नदी कालीगण्डकीमा अन्तिम संस्कार गरिदै छ ।
शिक्षाबिद उपाध्यायकी माताको निधन भएकोमा विभिन्न संघसंस्थाले शोक ब्यक्त गरेका छन् ।
लिम्घा रुपन्देही सम्पर्क समाजका सल्लाहकार समेत रहनुभएका लोकनाथ उपाध्याय र सदस्य शंकर पौडेलकी माता भुमादेबी उपाध्यायको निधन भएकोमा लिम्घा रुपन्देही सम्पर्क समाजले दुख ब्यक्त गरेको छ । समाजका अध्यक्ष परमानन्द भट्टराईले शोक विज्ञप्ति जारी गर्दै समाजका सल्लाहाकार उपाध्यायकी माताको निधनले लिम्घा रुपन्देही सम्पर्क समाज परिवार अत्यन्तै दुःखि र मर्माहत भएको उल्लेख गर्नुभएको छ । विज्ञप्तिमा दिबङ्गत आत्माको चीरशान्तिको कामना गर्दै शोकाकुल परिबारजनमा समबेदना ब्यक्त गरिएको छ । यस्तै विभिन्न संस्था र ब्यक्तिहरुले पनि सामाजिक सञ्जाल मार्फत दुख ब्यक्त गरेका छन् ।
