काठमाडौं, १ कात्तिक । गृह मन्त्रालयले प्रमुख जिल्ला अधिकारी (सीडीयो) हरुको सरुवा गरेको छ । असोज ३१ गतेको मन्त्रीस्तरीय निर्णयबाट प्रमुख जिल्ला अधिकारीहरुको सरुवा गरिएको हो ।
पाल्पा जिल्लाको प्रमुख जिल्ला अधिकारीमा सहसचिव जगन्नाथ पन्तलाई सरुवा गरिएको छ । पाल्पाका प्रमुख जिल्ला अधिकारी रहनुभएका योगेन्द्रप्रसाद पाण्डेको दशैं अगाडि अख्तियार दुरुपयोग अनुसन्धान आयोगमा सरुवा भएकोले पन्तलाई पाल्पाको सीडीयोको जिम्मेवारी दिएर सरुवा गरिएको हो ।
यसैगरी गृह मन्त्रालयका सहसचिव हरिप्रसाद घिमिरेलाई अर्घाखाँची सरुवा गरिएको छ । अर्घाखाँचीका प्रमुख जिल्ला अधिकारी विष्णु पौडेललाई गृह मन्त्रालयमा तानिएको छ ।
कैलालीको प्रमुख जिल्ला अधिकारीमा सहसचिव किरण थापालाई सरुवा गरिएको छ । यसअघिका प्रमुख जिल्ला अधिकारी खगेन्द्रप्रसाद रिजाललाई गृह मन्त्रालयमा तानिएको छ ।
यस्तै राष्ट्रिय विपद जोखिम न्यूनीकरण तथा व्यवस्थापन प्राधिकरणमा उपसचिव पदमा कार्यरत वेदनिधि खनाललाई सिन्धुपाल्चोकको प्रमुख जिल्ला अधिकारीको जिम्मेवारी दिएर सरुवा गरिएको छ ।
सीडीयोहरुको सरुवाको सूची :
