बुटवल, २० भदौ । लाइफ इन्स्योरेन्स कर्पोरेशन (नेपाल) लिमिटेड आफ्नो स्थापनाको २० वर्ष पुरा गरी २१ औं वर्षमा प्रवेश गरेको छ । २१ औं वर्ष प्रवेश गरेको अवसरमा बुटवल शाखाले एक कार्यक्रमका बीच वार्षिकोत्सव मनाएको छ ।
एलआइसी नेपाल सन २००१ सेप्टेम्बर १ तारिखमा स्थापना भई निरन्तर रुपमा बीमित तथा सेवाग्राहीहरुलाई उत्कृष्ट तवरले सेवा प्रदान गर्दै आइरहेको छ । कार्यक्रममा बुटवल शाखा प्रमुख ज्योती पौडेलले वर्तमान विषम परिस्थितिमा पनि आम नागरिकको श्विास जितेर कम्पनी अगाडि बढिरहेको भन्दै मानवीय जोखिम न्यूनिकरणका लागि बिमा अपरिहार्य आवश्यकता बनेको बताउनुभयो ।
वार्षिकोत्सवकै अवसरमा एलआइसी बुटवल शाखाले नयाँ अभिकर्ताहरुका लागि प्रशिक्षण सञ्चालन गरेको थियो । तालिमको अवसरमा कम्पनीका शाखा प्रमुख ज्योती पौडेलले अभिकर्ताले निर्वाह गर्नु पर्ने भूमिकाको वारेमा प्रकाश पार्नुभएको थियो ।
कम्पनीका एजेन्सी म्यानेजर फणिन्द्र पुरीले बिमाको परिचय, बिमा व्यवसायको बर्तमान अवस्था र चुनौतिदेखि यस क्षेत्रको विकास र विस्तारको साथै बिमाको विभिन्न पोर्टफोलियोको वारेमा प्रशिक्षण प्रदान गर्नुभएको थियो । उहांले बीमा अभिकर्ता भई काम गर्दा ध्यान दिनुपर्ने कुराहरु, जीवन बीमाको आधारभूत अवधारणा तथा अभ्यासहरुको जानकारीका साथसाथै जीवन बीमामा एलआइसीले खेलेको भूमिकाको बारेमा तालिममा सहभागीहरुलाई स्पष्ट पार्नुभएको थियो ।
त्यस्तै एजेन्सी म्यानेजरहरु सुजित शर्मा, नवराज गौतम, यमबहादुर राना, लगायतले जीवन बीमाको वारेमा जानकारी दिनुभएको थियो ।
