बुटवल, १३ भदौ । लुम्बिनी प्रदेश सरकारले लुम्बिनी प्रदेश योजना आयोगको उपाध्यक्षमा वामदेव क्षेत्री घिमिरेलाई नियुक्त गर्ने निर्णय गरेको छ ।
मन्त्रिपरिषदको आइतबार बसेको बैठकले माओवादी केन्द्रका नेता घिमिरेलाई योजना आयोगको उपाध्यक्षमा नियुक्त गर्ने निर्णय गरेको हो ।
यस्तै प्रदेश सरकारले आयोगको सदस्यमा शिवपुजन यादव र दामोदर भुसाललाई नियुक्त गर्ने निर्णय गरेको सरकारका प्रवक्ता कृष्णध्वज खड्काले जानकारी दिनुभयो । उहांका अनुसािर ५ सदस्यीय आयोगमा बाँकी सदस्य पछि नियुक्त गरिने छ ।
