बुटवल, २१ फागुन । बुटवलमा केन्द्रिय कार्यालय रहेको नेपाल हाइड्रो एण्ड इलेक्ट्रिक लिमिटेडको साधारण सभामा वोल्ने सञ्चालक समितिका पदाधिकारीले आगामी वर्ष मुनाफा खुवाउन नसके जिम्मेवारीवाट वाहिरिने बताएका छन् । शुक्रवार बुटवलमा भएको आर्थिक वर्ष ०७५ । ०७६ र ०७६ । ०७७ को १५ औं र १६औ वार्षिक साधारण सभामा सहभागि सञ्चालकहरुले आर्थिक वर्ष ०७४। ०७५ देखि लगातार घाटामा गएको नेपाल हाइड्रो चालु आर्थिक वर्ष ०७६ । ०७७ मा सामान्य मुनाफा कमाउन सफल भएको औल्याएका छन् ।
व्यवस्थापन समितिको कमजोरीले कम्पनी घाटामा गएको भन्दै संचालकहरुले नेपाल हाइड्रोका अध्यक्ष रत्नसंसार श्रेष्ठलाई अगामी आर्थिक वर्षमा मुनाफा बाड्न नसके पदवाट बरखास्त गर्ने बताएका हुन् । कम्पनीले आर्थिक वर्ष ०७४ ।०७५ मा २ करोड ९५ लाख र आर्थिक वर्ष ०७५ ।०७६ मा ३ करोड १६ लाख घाटा ब्यहोर्नु परेको कम्पनीका फाइनान्स म्यानेजर रवि श्रेष्ठले जानकारी गराउनु भयो । त्यस्तै कम्पनीले आर्थिक वर्ष ०७६।०७७ मा २० लाख नाफा कमाएको पनि उहाँले बताउनु भयो ।
साधारण सभामा बुटवल पावर कम्पनीको तर्फवाट सञ्चालक रहनुभएका विजयबहादुर श्रेष्ठ र दिनेश हुमागाईले अध्यक्ष रत्नसन्सार श्रेष्ठलाई कुशल व्यवस्थापन गर्न नसकेको भन्दै पद छाड्न आग्रह गर्दै आउनु भएको थियो ।
आगामी वर्ष मुनाफा बाड्न नसके अध्यक्ष पनि पदवाट राजीनामा दिन तयार हुनु पर्ने र सञ्चालकहरुले पनि जिम्मेवारी छोड्नु पर्ने साधारण सभामा बोल्ने सञ्चालकहरुले कुरा उठाएका थिए ।
नेपाल हाइड्रो एण्ड इलेक्ट्रिकका अध्यक्ष रत्नसन्सार श्रेष्ठले सञ्चालकहरुको सहयोग जरुरी रहेको र आगामी आर्थिक वर्षमा मुनाफा दिलाउन नसके जिम्मेवारी वाट बाहिरिने प्रतिवद्धता व्यक्त गर्नुभयो । नेपाल हाइड्रोमा विवादका कारण विगत २ वर्ष देखि हुन नसकेको साधारण सभा एकैसाथ शुक्रवार भएको र साधारण सभाले आर्थिक वर्ष ०७५ ।०७६ र आर्थिक वर्ष ०७६ ।०७७को सञ्चालक समितिको प्रतिवेदन पारित गरेको छ भने ०७७ । ०७८ को लागि एन अमात्य एण्ड कम्पनीलाई लेखा परिक्षक नियुक्ति गरेको कम्पनी सचिव होम बहादुर राउतले जानकारी दिनुभयो ।
((((((((((((((
एभरेष्ट डोर इण्डष्ट्रिजमा आगलागी ९ करोड बढीको क्षेती
बुटवल, २१ फागुन । रुपन्देहीको सुद्धोधन गाउँपालिका ३ मा संचालित यस क्षेत्रकै ठुलो एभरेष्ट डोर इन्डष्ट्रिज प्रा लि र के इन्टरनेशनलमा आगलागि हुदाँ करोडौ मुल्य वरावरको सामान जलेर नष्ट भएको छ ।
आज विहान ५ वजेको समयमा उद्योगमा लागेको आगो ५ वटा दमकलको सहयोगमा ५ घण्टा पछि नियन्त्रणमा आएको जिल्ला प्रहरी कार्यालय रुपन्देहीले जनाएको छ । विगत ३ वर्ष देखि संचालनमा रहेको उक्त उद्योगमा तयारी अवस्थामा रहेका सामान र कच्चा पदार्थलगायत मेशिन औजार पूर्णरुपमा जलेको र प्रारम्भिक तथ्यााक अनुसार ९ करोड बढीको क्षेती भएको उद्योगका संचालक सूर्यप्रसाद खनालले बताउनु भयो ।
६५ जना कामदारलाई रोजगारी दिएको उक्त उद्योगले उत्पादन गरेको सामान काठमाडौ, पोखरा, चितवन, दाङ, परासी, कपिलवस्तु र रुपन्देहीका प्रमुख शहरमा विक्री हुने गरेको संचालक खनालले बताउनु भयो । विद्युत सट भएर उद्योगमा आगलागी भएको हुनसक्ने आशंका प्रहरीले गरेको छ ।
