बुटवल, १८ फागुन । रुपन्देहीमा सम्पन्न चौथो खुला लनटेनिस प्रतियोगिताको उपाधि बुटवलका रितिक रानाले हात पारेका छन् । मंगलबार भएको फाईनलमा सन्तोष खत्रीलाई ६–३ र ७–५ को सोझो सेटमा पराजित गर्दै उपाधि चुमेका हुन् । यस्तै महिला सिंगलको उपाधि प्रेरणा कोईरालाले जितिन् । उनले फाईनलमा अभिलाषा विष्टलाई ६–३ र ६–१ को सेटमा जित निकाल्दै उपाधी हात पारिन् । पांचदिनसम्म चलेको प्रतियोगिताको ३५ प्लसतर्फ कमल भण्डारीले संन्जय प्रकाश श्रेष्ठलाई ६–२ र ६–० को सेटमा पराजित गर्दै उपाधि चुमे । बुटवलका श्रेष्ठ पहिलो पटक फाईनल पुगेका हुन् ।
यसैगरि ४५ प्लसतर्फ चन्द्र शाही (यु एण्ड मी) ले धर्म लामिछाने लाई ६–४ र ६–३ को सोझो सेटमा पराजितगर्दै उपाधि हातपारे । यसैगरि ५५ प्लसतर्फ हिमाल शाहले मनोज राणालाई ६–७, ६–२ र १०–२ को सेटमा जित निकाले ।
प्रतियोगिताका विजेता तथा उपविजेता खेलाडीहरुलाई नेपाल टेनिस संघका केन्द्रीय अध्यक्ष ज्योति राणा, बुटवल उपमहानगरपालिका वडा नं ११ का वडाअध्यक्ष रामचन्द्र क्षेत्री खनाल, नेपाल टेनिस संघका केन्द्रीय उपाध्यक्ष राजु श्रेष्ठ, मन जयकार टेनिस एकेडेमीका अध्यक्ष मनोज राणा, प्रमुख प्रशिक्षक कृष्णराज घले, टिम नेपालका अजय विष्ट, कास्की टेनिस संघका उपाध्यक्ष लोक गुरुङ, रुपन्देही लनटेनिस संघका अध्यक्ष संजयप्रकाश श्रेष्ठ, उपाध्यक्ष अर्जुन गुरुङ, सचिव गोपाल ज्ञवालीलगायतले पुरस्कार वितरण गर्नुभएको थियो । यसैबिच नेपालका टेनिस खेलमा महत्त्वपूर्ण योगदान दिएका लनटेनिसका प्रमुख प्रशिक्षक कृष्णराज घलेलाई नगद १८ हजारसहित दोसल्ला ओढाएर सम्मान गरिएको थियो ।
