बुटवल, २५ पुस । लाफा समूह बुटवलले तेस्रो लाफा खुल्ला तथा भेट्रान्स पुरुष डबल व्याडमिन्टन प्रतियोगिता २०७७ गर्ने भएको छ । खेलाडीहरुलाई प्रोत्साहन गर्ने लक्ष्यसहित समूहले आगामी माघ २३ र २४ गते दुई दिने प्रतियोगिता गर्ने भएको हो ।
लाफा समूहले शनिबार बुटवलमा पत्रकार सम्मेलन गरि प्रतियोगिता आयोजनाका लागि विभिन्न उपसमिति गठन गरि काम अघि बढेको जानकारी गराएको छ । लाफा समुहका अध्यक्ष तारा रेश्मी मगरले समूहले आयोजना गर्न लागेको प्रतियोगिता लुम्बिनी प्रदेशकै सर्वाधिक पुरस्कार राशिको भएको दाबी गर्नुभयो । प्रतियोगिताको खुल्लातर्फ उपाधि विजेताले नगद ५५ हजार ५ सय ५५, उपविजेताले नगद ४१ हजार ५ सय ५५ र तृतियलाई ३१ हजार ५ सय ५५ रुपैया, ट्रफि मेडल र प्रमाणपत्रबाट पुरस्कृत गरिने छ । भेट्रान्स तर्फ प्रथमलाई २५ हजार ५ सय ५५, द्धितीयलाई १५ हजार ५ सय ५५ तथा तृतियलाई १० हजार ५ सय ५५ रुपैया ट्रफि, मेडल र प्रमाणपत्रबाट पुरस्कृत गरिने छ भने प्रतियोगितामा उत्कृष्ट, अनुशासित र उदयमान खेलाडीहरुलाई समेत पुरस्कृत गरिने अध्यक्ष मगरले वताउनु भयो ।
समूहका संरक्षक बासुदेव लामिछानेले खेलको विकासमा नीजि लगानीमा पुर्वाधार निर्माण गर्ने प्रतिवद्घता जनाउदा समेत स्थानिय सरकारबाट जग्गा उपलब्ध नभएको गुनासो गर्नुभयो । प्रतियोगिता संयोजक ज्ञानु सारुले टप रेकिङभन्दा बाहिरका खेलाडीहरुले भाग लिने बताए । दोस्रो संस्करणमा भन्दा टिम बढ्ने आयोजकको अनुमान छ । २०७६ सालमा स्थापित यस लाफा समूह यस क्षेत्रको सामाजिक संस्थाहरु मध्ये एक फरक पहिचान बनाएको संस्था भएको उहांले बताउनु भयो । प्रतियोगिता आयोजनामा १६ लाख खर्च हुने अनुमान रहेको वताउदै उहांले वैदेशिक रोजगारमा रहेका लाफाका सदस्यहरुबाट सहयोग जुटाएर प्रतियोगिता गर्दै आएको वताउनु भयो ।
पत्रकार सम्मेलनमा सल्लाहकार केशव राना, बबिन थापा, उपाध्यक्ष पुरन गाहाले खेलकुद देशको सान र स्वास्थ्य सम्बन्धित भएकोले यसले राष्ट्रिय भावनाको विकास एवम् आपसी मित्रता तथा सद्भाव वढाउने वताउनु भयो ।
