बुटवल २३ पुस
अख्तियार दुरुपयोग अनुसन्धान आयोगमा आर्थिक वर्ष ०७६र७७ मा आयोगमा कूल २५हजार १५२ उजुरी दर्ता भएकोमा १६हजार ९५२ उजुरी फर्छ्योट भएको जनाएको छ । बिशेष अदालतमा दर्ता भएका ४४१ मुद्दा मध्ये हालसम्म ८४दशमलव ८५ प्रतिशत मुद्दामा भ्रष्टाचारजन्य कसुर स्थापित भएका आयोगको कार्यालय बुटवलका कार्यालय प्रमुख रमेश ढकालल बताउनु भयो ।
बुटवल कार्यालयमा सो अबधीमा १९१२ वटा उजुरी दर्ता भएका थिए ।
मुलुकभरीका कुल उजुरीमध्ये लुम्विनी प्रदेशका उजुरीहरु १०दशमलव ७९ प्रतिशत रहेको कार्यालय प्रमुख ढकालले बताउनु भयो ।
आयोगले भ्रष्टाचार नियन्त्रण तथा सुशासनका लागि प्रतिवेदन मार्फत नेपाल सरकार, प्रदेश सरकार र स्थानीय तहलाई छुट्टाछुट्टै र संयुक्त गरी जम्मा ७२ वटा सुझावहरु दिइएको पनि उहाँले बताउनु भयो ।
नेपालको संविधानको धारा २९४ को उपधारा ३ बमोजिम अख्तियार दुरुपयोग अनुसन्धान आयोगको कार्यालय बुटवलले आयोगको ३०औं वार्षिक प्रतिवेदन लुम्विनी प्रदेशका प्रदेश प्रमुख समक्ष पेश गरेको छ ।
एक समारोहबीच आयोगको कार्यालय बुटवलका कार्यालय प्रमुख रमेश ढकालले उक्त प्रतिवेदन प्रदेश प्रमुख धर्मनाथ यादव समक्ष पेश गर्नुभएको होे ।
प्रतिवेदन ग्रहण गदै प्रदेश प्रमुख धर्मनाथ यादवले भ्रष्टाचार नियन्त्रण र सुशासन प्रवर्द्धनमा आयोगले निर्वाह गरिरहेको संवैधानिक दायित्वको प्रशंसा गर्दै थप सक्रियता बढाउन आह्वान गर्नु भएको थियो आयोगको कार्यालय बुटवलका सूचना अधिकारी सुरेश भुसालले बताउनु भयो ।
