सिद्धार्थ राजमार्गको ३ स्थानमा पहिरो विहानै देखि बुटवल, पाल्पा र पोखरा सडक अवरुद्ध

बुटवल १३ साउन
बुटवल पाल्पा सडकको तानसेन नगरपालिका वडा नं. ८ गौडेपुल नजिक डुम्रे र तिनाउ गा. पा. ३ माथिल्लो सिद्धबाबा स्थित सिद्धार्थ राजमार्ग बुटवल पाल्पा सडक खण्डमा माथिबाट पहिरो झरी सडक पूर्ण रुपमा अबरोध भएको छ ।
गौडेपुल नजिक डुम्रेमा मंगलवार विहान सवा ५ वजे र सिद्धबाबामा सवा ७ वजे माथिबाट पहिरो झरी सडक पूर्ण रुपमा अबरोध भएको ५ नम्बर ट्राफिक प्रहरी कार्यालय बुटवलले जनाएको छ ।
पहिरो नहटे सम्मको लागि सो सडकमा पैदल यात्रा तथा सवारी आवागमन नगर्न समेत प्रहरीले अनुरोध गरेको छ ।
त्यस्तै जिल्ला पाल्पा बग्नासकाली गा.पा. ४ सेरा स्थित सिद्धार्थ राजमार्ग पाल्पा पोखरा सडक खण्डमा माथिबाट पहिरो झरी सडक पूर्ण रुपमा अबरोध भएको छ । विहान पौने ८ वजेको समयमा पहिरो झरेको प्रहरीले बताएको छ ।
पहिरो नहटे सम्मको लागि सो सडकमा पनि पैदल यात्रा तथा सवारी आवागमनमा अवरोध भएको र पहिरो हटाउने कार्य भएको पनि प्रहरीले जनाएको छ ।