बुटवल, १५ असार
रुपन्देही व्यापार संघ अन्तरगतको कस्मेटिक तथा गिफ्ट उपसमितिले बुटवलस्थित आम्दा महिला तथा वाल अस्पताललाई अटोमेटिक हात हुने वेसिन सेट(हात धुने मसिन) प्रदान गरेको छ ।
कोरोना महामारी नियन्त्रण तथा रोकथाममा सहयोग पुगोस भन्ने हेतुले अस्पताल परिसरमा ह्याण्डवासहितको वेसिन सेट जडान गरिएको हो । स्वचालित प्रविधि जडान गरिएको सो वेसिन सेट रुपन्देही व्यापार संघका अध्यक्ष यमलाल लोहनीले अस्पतालका मेसु डा. राजेन्द्र वस्याल र डा. सन्तोष पोखरेललाई हस्तान्तरण गर्नु भएको थियो । अस्पतालको बाल सेवा विभाग ब्लकको गेटमा जडान गरिएको सेटको सहि रुपमा प्रयोगमा ल्यादिन अस्पताल प्रशासनसंग सो अवसरमा आग्रह गरिएको थियो ।
कार्यक्रममा बोल्दै व्यापार संघका अध्यक्ष यमलाल लोहनीले संपूर्ण जनजिवन अस्तव्यस्त बनाउने गरि आएको कोरोना संक्रमणबाट बच्न सामाजिक जनचेतनाको जरुरी रहेको बताउनु भयो । उहाले जनताको ज्यूज्यानको सुरक्षालाई ध्यान दिदै कस्मेटिक तथा गिफ्ट उपसमितिले राखेको हात धुने मेसिनबाट अस्पतालमा आउने व्यक्तिहरुलाई सुरक्षित गर्न सहयोग गर्ने विश्वास व्यक्त गर्नु भएको थियो ।
अस्पतालका चिकित्सक डा. सन्तोष पोखरेलले कोरोनाबाट बच्न र संक्रमण रोक्नका लागि हात धुने कुरा मत्वपूर्ण रहेको हुदा त्यसमा व्यापार संघले गरेको सहयोगप्रति आभार व्यक्त गर्नु भयो । उहाले अस्पताललाई प्राप्त सहयोगको सहि सदुपयोग गर्ने कुरामा प्रशासन गम्भिर बन्ने बताउदै आम्दा सामाजकै सहयोगमा सञ्चालन भएको अस्पताल भएका कारण सबैको हातेमालो जरुरी भएको धारणा राख्नु भयो ।
कस्मेटिक तथा गिफ्ट उपसमितिका संयोजक नियामत अलिको अध्यक्षता, सचिव विनोद सुवेदीको सञ्चालन तथा सरोज ज्ञवालीको स्वागतमा भएको कार्यक्रममा संघका सदस्य, उपसमितिका पदाधिकारी, सदस्य तथा अस्पतालका कर्मचारीहरुको सहभागिता रहेको थियो ।
