बुटवल ७ असार
रुपन्देहीमा करेन्ट लागेरएक जनाको र पाल्पा कारागारमा जेल जीवन विताईरहेका कैदीको मृत्यु भएको छ ।
असार ६ गते पाल्पा जिल्ला साबिक छहरा गाबिस.वडा नं.३ हाल रैनादेवी छहरा गाउपालिका ४ सोरबोट घर भई बिगत २०७३ कार्तिक १० गतेदेखी जिउ मास्ने बेच्ने मुद्धामा १० बर्ष कैद सजाय फैसला भई कैद भुक्तान गरिरहेको बर्ष ८४ को डम्मर बहादुर दमैको मृत्यु भएको छ ।
जेल जीवन विताई रहेका दमै अचानक बेहोस भएको र निजको जिल्ला अस्पताल पाल्पामा उपचारको क्रममा मृत्यु भएको जिल्ला प्रहरी कार्यालय पाल्पाले जनाएको छ । मृत्युको वारेमा थप अनुसन्धान भई रहेको प्रहरीले जनाएको छ ।
त्यस्तै जिल्ला प्रहरी कार्यालय, रुपन्देहीका अनुसार सिदार्थनगरपालिका. १२ शान्तिनगर बस्ने राम बहादुर पुनको छोरा वर्ष २१ को आयुष पुनको विद्युत जडान गरी पानी तान्ने पम्पबाट पानी तान्ने क्रममा धारामा अचानक करेन्ट लागी मृत्यु भएको छ ।
रुपन्देही मायादेवी,गा.पा.वडा नं.८बसडिलवामा साथी जोसन गुरुङको घरमा बिगत देढ,दुई महिना देखि बस्दै आएका पुन करेन्ट लागी घाईते भई उपचारको लागी सि.टी. हस्पिटल भैरहवा ल्याउने क्रममा बाटोमा मृत्यू भएका जिल्ला प्रहरी कार्यालय रुपन्देहीले जनाएको छ ।
घटनाका सम्बन्धमा थप अनुसन्धान प्रहरीले गरिरहेको प्रहरी प्रवक्ता तथा सूचना अधिकार पहरी नायव उपरिक्षक खड्क बहादुर खत्रीले बताउनु भयो ।
