चरित्र हत्या गरेकाले सुनियोजित र आवेगमा हत्या गरेको स्विकारयुक्ति
बुटवल २८ जेठ
रूपन्देहीको तिलोत्तमा नगरपालिका वडा नम्बर १० मैनहियास्थित गंगादेवी पशु फार्ममा कार्यरत ५ जनाको विभत्र्स रुपमा गरिएको सामुहिक हत्याका अभियुक्तलाई प्रहरीले सार्वजनिक गरेको छ ।
तिलोत्तमा १० मैनहियाका कृष्णबहादुर पुनको फार्ममा कार्यरत ३ जना र स्थानीय २ जना गरी ५ जनाको सामुहिक हत्या गरेको अभियोगमा पक्राउ परेका सुर्खेत जिल्ला लेखबेशी नगरपालिका ५ घर भै सोही पशुफार्ममा काम गर्ने झसेन्द्र सिंजालीलाई प्रहरीले सार्वजिक गरेको हो ।
ईलाका प्रहरी कार्यालय बुटवलमा बुधवार सार्वजनिक गरिएका अभियुक्त सिंजालीलाई जिल्ला अदालत रुपन्देहीबाट कर्तब्य ज्यान मुद्दामा ७ दिनको म्याद थप गरिएको पाँच नम्बर प्रदेश प्रहरी कार्यालय तुल्सीपुर दाङका वरिष्ठ प्रहरी उपरीक्षक तथा उक्त घटनाको छानविन समितिका संयोजक राजकुमार बैदवारले बताउनु भयो ।
अभियुत्त सिंजालीलाई फार्ममा काम गर्ने रूपन्देहीको सैनामैना नगरपालिका ५ दरखासीका ४० वर्षीय माधव मुसहर, उनकी श्रीमती ३७ वर्षीया जानकी मुसहर, फार्म संचालक कृष्ण पुनका धर्म छोरा रमेश भन्ने १६ वषिय पोषराज मुसहर, स्थानीय १५ वर्षिय करण चौधरी र १६ वर्षिय आशिष चौधरीको सामुहिक हत्या अभियोगमा छाविन समितिले सिजालीलाई पक्राउ गरि सार्वजनिक गरेको हो ।
बिगत केहि समयदेखि नै आफुलाई ब्यक्तिगत चरित्रमा आँच लगाउने गरी चरित्र हत्या गरेको तथा मानसिक रुपमा चोट पुराउने काम गरेकाले हत्या गरेको प्रहरीको बयानमा स्वीकार गरेको पत्रकार सम्मेलनमा वरिष्ठ प्रहरी उपरिक्षक बैदवारले बताउनु भयो ।
हत्याको क्रममा पहिले लाठी प्रयोग गरी अचेत बनाएको र फरुवाले हानेर हत्या गएको प्रारम्भीक अनुसन्धानबाट खुलेको प्रहरीले जनाएको छ ।
अभियुक्त सिंजालीले केही दिन अगाडी मुसा मार्ने विष समेत किनेको प्रहरीको बयानमा बताएको प्रहरीले जनाएको छ । हत्या गर्ने दिन अभियुक्त सिंजालीले मदिरा सबेन गरेको बुझिएको छ । प्रहरीले घटनाका बिषयमा अनुसन्धान जारी राख्दै प्रहरी बिधि बिज्ञान प्रयोगशालामा पठाउनको लागि मृतकहरुको शरिरबाट भिषेरा र रगत निकाली परिक्षणको लागी पठाउने कार्य भैरहेको छ ।
मृतकहरुको शवलाई पोष्टमाटम पछि परिवारको जिम्मा लगाईएको छ ।
मृतकहरुले बिगत देखि नै आफुलाई ब्यक्तिगत चरित्रमा आक्षेप आउने गरी चरित्र हत्या गरेको र सो को बारेमा गाँउमा समेत चर्चा गरेकोले आफु बिक्षिप्त रहेको, मानसिक रुपमा चोट पुगेकोले मौका हेरी सबैलाई ठीक लगाउने सोच आई रहेकोमा उक्त दिनमौका मिलेको बताएको प्रहरीको छानविन प्रतिवेदनमा छ ।
त्यसैगरि उक्त दिन फार्ममा सबै जना बसी मादक पदार्थ सेवन समेत गर्दै कुराकानी गर्दा समेत सोही अनुरुप आफुलाई पुनः आक्षेप लगाएको हुदा आवेशमा आई घट्ना घटाएको प्रहरी समक्ष बताएको छानविन समितिको प्रतिबेदनमा उल्लेख छ ।
प्रहरीका अनुसार सिजालीले पाँचै जनाको हत्या गरि आफुले मुसाको विष सेवन गरि पुन जाँड खाएकोले वान्ता गरेको कारण मृत्यु हुनवाट बचेको समेत छानविन समितिले पत्ता लगाएको छ । अभियुक्त सिजालीले लागुऔषध गाँजा, मदिरा लगायतका वस्तु सेवन गर्ने गरेको र घटना घटाउने दिनमा सवैजनालाई गाँजा, मदिरा खुवाएको प्रहरीले बताएको छ ।
छानविन समितिमा संयोजक बैदवार सदस्यमा दगां प्रहरी गणका प्रहरी उपरिक्षक विकासराज खनाल , ईलाका प्रहरी कार्यालय बुटवलका प्रहरी नायव उपरिक्षक प्रतित राठौर रहनु भएको थियो ।घटना रहस्यमय भए जस्तो देखिए पनि प्रहरीले पक्राउ गरेको सिजालीले एक्लै पाँचैजनाको हत्या गरेको स्विकार गरेकाले हत्या सुनियोजित र आवेगमा भएको प्रहरीको ठमयाई रहेको छ ।
