बुटवल ६ माघ
प्रदेश नम्बर ५ नेपाली काँग्रेस संसदिय दलका नेता वलदेव शर्मा पोखरेलको निधन भएको छ ।
सोमवार दिउसो २ वजे आफनै निवाष तिलोत्तमा नगरपालिका वडा नम्बर १३ टिकुलीगढमा नेता शर्माको निधन भएको नेपाली काँग्रेस रुपन्देहीले जनाएको छ ।
विगत लामो समय देखि क्यानसर रोगवाट पीडित शर्माको उपचार क्रिमसन अस्पतालमा भैरहेकोमा ५ दिन अघिमात्र अस्पतालवाट घर लगिएको थियो ।शर्मा प्रदेश पाँचका सवै भन्दा जेष्ठ सदस्यका रुपमा रहनु भएको थियो ।
८२ वर्षिय शर्माका ४ छोरा २ छोरी रहेका छन । उहाँको प्रार्थिव शरिरलाई पवित्र स्थल देवघाटमा लगि अन्तिम दाहसंस्कार गरिने परिवारले जनाएका छन । नेपाली काँग्रेस रुपन्देहीका पुर्व सभापति समेत रहनु भएका शर्माको निधन प्रति नेपाली काँग्रेस रुपन्देही , बुटवल उपमहानगर समितिले अलग अलग विज्ञप्ति जारी गरि गहिरो दुखद प्रकट गर्नु भएको छ । शर्माको निधनले पार्टीलाई ठुलो क्षती भएको भन्दै दिवगत आत्माको चिर शान्तिको कामना गदै शोकसन्तप्त परिवार जनमा हार्दिक समवेदना व्यक्त गर्नु भएको छ । यसै बिच नेपाली काँग्रेस रुपन्देहीका सभापति अब्दुल रज्जाक र सचिव रामकृष्ण खाणँद्धारा जारी विज्ञप्तिमा नेपाली काँग्रेसका पुर्व जिल्ला सभापति शर्माको निधनमा ३ दिनसम्म जिल्ला पार्टी कार्यालय र जिल्लाका नेपाली काँग्रेसका सवै कार्यालय बन्द रहने , कुनै कार्यक्रम नगर्ने र ७ दिन सम्म पार्टीको झण्डा झुकाउने उल्लेख गरिएको छ ।
