काठमाडौँ, १४ कार्तिक । प्रधानमन्त्री केपी शर्मा ओली अस्पतालबाट डिस्चार्ज हुनुभएको छ । मृगौलामा समस्या देखिएपछि प्रधानमन्त्री ओली बुधवार धापासीस्थित ग्राण्डी अस्पतालमा भर्ना हुनुभएको थियो । उहां त्यहां उपचार पछि बिहीवार (आज) साँझ डिस्चार्ज हुनुभएको हो ।
बुधबार बिहान भर्ना अस्पताल भर्ना हुनुभएका प्रधानमन्त्री ओलीको बुधबार र बिहिबार दुई पटकसम्म मिर्गौलाको डायलाइसिस गरिएको थियो ।
प्रधानमन्त्री ओलीलाई डिस्चार्ज गर्नुअघि बिहिबार (आज) अपरान्ह आयोजित पत्रकार सम्मेलनमा ग्राण्डीका मेडिकल डाइरेक्टर चक्रराज पाण्डेले प्रधानमन्त्री ओलीको स्वास्थ्य अवस्था सामान्य रहेको जानकारी गराउनु भएको थियो ।
प्रधानमन्त्री ओलीको १२ वर्षअघि भारतको नयाँ दिल्लीमा मिर्गौला प्रत्यारोपण गरिएको थियो ।
