रामकुमार श्रेष्ठ
नवलपरासी, २५ असोज । पूर्वी नवलपरासीको बुलिङ्टार गाउँपालिका ६ निरिन्दी खोलामा ग १ ज ६५०५ नम्बरको जिप पल्टिंदा १ जनाको मृत्यु भएको छ भने चार जना घाइते भएका छन् ।
पाल्पाको रामपुरबाट डेढगाउँ हुँदै नवलपरासीको दलदलेतर्फ आउँदै गरेको उक्त जीप ओभरलोडका कारण दुर्घटनामा परेको प्रहरीले जनाएको छ ।
दुर्घटनामा परी गम्भीर घाइते देवचुली नगरपालिका ४ निवासी ३४ बर्षीय हरि बहादुर अधिकारीको उपचारको क्रममा शुक्रबारराति पोखराको मणिपाल अस्पतालमा निधन भएको जिल्ला प्रहरी कार्यालय नवलपुरले जनाएको छ । दुर्घटनामा परी देवचुली नगरपालिकाकै ४ जना घाइते भएका छन् ।
