मन्त्रिपरिषद्का पूर्व अध्यक्ष रेग्मीलाई मातृशोक

काठमाडौ, ३१ भदौ । मन्त्रिपरिषद्का पूर्व अध्यक्ष तथा पूर्व प्रधानन्यायाधीश खिलराज रेग्मीलाई मातृशोक परेको छ । रेग्मीका ९० वर्षीया आमा चित्रकुमारी रेग्मीको काठमाडौस्थित सिभिल अस्पतालमा सोमबार राति ११ बजेर ३० मिनेटमा निधन भएको हो ।
पूर्व अध्यक्ष रेग्मीका प्रेस संयोजक राजेन्द्र पाण्डेका अनुसार स्वर्गीय रेग्मीको आज बिहान पशुपतिमा अन्त्येष्टि गरिएको छ । उहांका तीन छोरा र चार जना छोरी छन् ।