रूपन्देहीको सियारीमा मोटरसाइकल दुर्घटना : बाबुको मृत्यु छोरा घाइते

सियारी । रूपन्देहीको सियारीमा मोटरसाइकल दुर्घटनामा परी एक जनाको मृत्यु भएको छ भने एक जना गम्भीर घाइते भएका छन् ।
जिल्लाको सियारी गाउँपालिका वडा नं. ७ भर्थापुरमा आइतबार बिहान मोटरसाइकल दुर्घटना हुँदा एक जनाको मृत्यु हुनुका साथै एक जना गम्भीर घाइते भएको जिल्ला प्रहरी कार्यालय रुपन्देहीका प्रहरी नायव उपरीक्षक गणेश सापकोटाले जानकारी दिनुभयो ।
मृत्यु हुनेमा रूपन्देहीको मायादेवी गाउँपालिका वडा नं. ७ गर्गटीका ६० वर्षीय राम मिलन धवल रहेका छन् । आफ्नै ३० वर्षीय छोरा विनोद धवलले चलाएको मोटरसाइकलको पछाडि सवार राम मिलनको उपचारको क्रममा मृत्यु भएको हो ।
विनोदले चलाएको मोटरसाइकल सडकमा अनियन्त्रित भई आफै दुर्घटनामा परेको थियो । दुर्घटनामा परी घाइते भएका दुबै जनालाई उपचारको लागि अस्पताल पु¥याए पनि राम मिलनको उपचारको क्रममा मृत्यु भएको र घाइते विनोदको भैरहवास्थित सिटी अस्पतालमा उपचार भइरहेको प्रहरीले जनाएको छ । घाइते बिनोदको टाउको, हात र खुट्टामा चोट लागेको छ ।