बुटवल । जलवायु परिवर्तनको मारले देशवासीले भोग्नु परेको समस्यालाई मध्यनजर गरी पर्यावरण सन्तुलनमा केही राहातको अनुभव दिलाउनका लागि रोटरीयनहरुले शनिवार ५० हजार विरुवा रोपण गरी हरित अभियानमा टेवा पुर्याएका छन ।
रोटरी ३२९२ का डिष्ट्रिक गभर्नर विनोद कोईरालाको विशेष पहलमा देशभरी नै शनिवार वृक्षारोपण गरिएको हो ।
सोही अभियान अन्तर्गत रोटरी क्लव अफ बुटवलको अगुवाईमा यस क्षेत्रमा क्रियाशिल रोटरीयनहरुको सहभागितामा बुटवल वेलवास वेथरी सडकको किनारामा ५ सय विरुवा रोपण गरिएको रोटरी क्लव अफ बुटवलका अध्यक्ष कृष्ण पराजुलीले बताउनु भयो ।
त्यस्तै पाल्पाको बसन्तपुर रोटरी सामुदायिक ग्राममा पनि शनिवार नै ३ सय विरुवा रोपण गरिएको अध्यक्ष पराजुलीले बताउनु भयो । विशेष गरी गुलमोहर र सितलचीनीका विरुवा रोपण गरिएको हो । सौन्दर्यीकरण संगै पर्यावरणमा सन्तुलन ल्याउन टेवा पुग्ने लक्ष्य सहित देशैभरी एक साथ वृक्षारोपण गरिएको अध्यक्ष पराजुलीको भनाई रहेको छ ।
वृक्षारोपण कार्यक्रममा रोटरी क्लव अफ बुटवलसंगै यस क्षेत्रमा सक्रिय रहेका रोटरीयनहरुको वाक्लो उपस्थिति रहेको सचिव शिव ज्ञवालीले जानकारी गराउनुभयो ।
