बागलुङ । बागलुङको जैमिनी ७ हर्देवामा पिकअप भ्यान दुर्घटना हुँदा चालक सहित ५ जनाको मृत्यु भएको छ । मृत्यु भएका ५ जनाकै सनाखत भएको प्रहरीले जनाएको छ ।
जिल्ला प्रहरी कार्याल बागलुङका सूचना अधिकारी प्रहरी निरीक्षक केशव थापाका अनुसार मृत्यु हुनेमा जीपका चालक बागलुङ जैमिनी–८ छिस्ती केवइका ३८ वर्षीय महेन्द्र पुन, सोही ठाउँका २० वर्षीया रश्मी श्रीश, ५० वर्षीया नन्दकली पुन, १७ वर्षीय निरज श्रीश र ७५ वर्षीय कुलप्रसाद श्रीश रहेका छन् ।
जैमिनी नगरपालिका–८ छिस्तीबाट सदरमुकाम बागलुङ बजार जाँदै गरेको ग २ च ९२४७ नम्बरको पिकअप भ्यान आज बिहान दुर्घटना भएको हो ।
भ्यानमा सवार ६ जनामध्ये एक जना घाइते छन् । ४५ वर्षीय गङ्गाबहादुर श्रीश घाइते भएको र उनलाई उद्धार गरेर उपचारका लागि धौलागिरी अस्पताल लगिएको प्रहरीले जनाएको छ । उनको शरीरका विभिन्न भागमा चोट लागेको छ । भ्यान सडकबाट करिब ४ सय मिटर तल खसेको छ ।
