तीन लाख बढीको अवैध सामान रुपन्देही प्रहरीको नियन्त्रणमा

भैरहवा । जिल्ला प्रहरी कार्यालय रुपन्देहीले तीन लाख बढीको अवैध सामान बरामद गरेको छ ।
जिल्ला प्रहरी कार्यालय रुपन्देही तथा मातहतका कार्यालयबाट खटिएको प्रहरी टोलीले जिल्लाका विभिन्न ठाउंबाट भारतबाट भन्सार छली गरी नेपाल भित्राइएका अन्दाजी रु ३ लाख ३३ हजार ८५० वरावरको सामान नियन्त्रणमा लिई आवश्यक कारवाहीको लागि भन्सार र पशु क्वारेन्टाईन कार्यालयमा बुझाएको छ ।
जिल्ला प्रहरी कार्यालयबाट खटिएको प्रहरी टोलीले सिद्धार्थनगर नगरपालिका वडा नं. ४ सुगरमिलबाट प्याज ६९० के.जी.प्याज बेबारिसे अबस्थामा फेला पारी नियन्त्रणमा लिएको हो । यस्तै जिल्ला प्रहरी कार्यालयबाट खटिएको प्रहरी टोलीले रोहिणी गाउँपालिका वडानं.७ अमवाबाट लु ४७ प ५८७५ न.को मोटरसाईकलमा रेडवुल २ कार्टुन, सरफ १ बोरा, मसला १ कार्टुन, मिट मसला १ कार्टुन, मच्छर धुप १ कार्टुन, चिनी ५० के.जी, प्याज ५० के.जी.मोटरसाइकल सहित सामानहरु बेवारिसे अबस्थामा फेला पारी नियन्त्रणमा लिएको छ ।
यस्तै जिल्ला प्रहरी कार्यालयबाट खटिएको प्रहरी टोलीले रोहीणी गाउँपालिका वडा नं. ६ बोधवारबाट युपी ५३ वाई ३६२१ नं.को मोटरसाईकलमा ल्याउँदै गरेको २८ पिस बोईलर कुखुरा मोटरसाइकल सहित फेला पारी नियन्त्रणमा लिइ आवश्यक कारवाहीको लागि पशु क्वारेन्टाईन कार्यालय बेलहियामा बुझाएको छ ।
यस्तै ईलाका प्रहरी कार्यालय मझगाँवाबाट खटिएको प्रहरी टोलीले मायादेवी गाउँपलिका वडा नं. ६ शिवपुर गोनाहाबाट लु ३ प ९३८७ न को मोटरसाइकलमा ४६ पिस बोईलर कुखुरा ल्याउंदै गरेको अवस्थामा मोटरसाइकल सहित नियन्त्रणमा लिएको छ ।
ईलाका प्रहरी कार्यालय कदमहवाबाट खटिएको प्रहरी टोलीले कोटहीमाइ गाउँपालिका वडा नं. ४ बाट भारतबाट अबैध रुपमा ल्याउदै गरेको लेडिज चप्पल २०६ जोर, जेन्स चप्पल १९ जोर र बच्चाको चप्पल ६० जोर गरी जम्मा २८५ जोर चप्पल बेवारिसे अबस्थामा फेला पारी नियन्त्रणमा लिएको छ । यस्तै प्रहरी चौकी दुबेथुमुवाबाट खटिएको प्रहरी टोलीले सम्मरीमाई गाउँपालिका वडा नं. ५ तरैनीबाट लेडिज कुर्ता १८ थान र पर्दा ११ थान कपडा बेवारिसे अबस्थामा फेला पारी नियन्त्रणमा लिएको छ ।