भैरहवा । जिल्ला प्रहरी कार्यालय रुपन्देहीले तीन लाख बढिका मोबाइल बरामद गरेको छ ।
जिल्ला प्रहरी कार्यालयबाट खटिएको प्रहरी टोलीले अबैध रुपमा भन्सार छली चोरी पैठारी गरी लुकाई छिपाई राखेको अवस्थामा अन्दाजी रु.३ लाख ३२ हजार वरावरको बिभिन्न किसिमका मोवाईल बरामद गर्नुका साथै अवैध कारोवारमा संलग्न ब्यक्तिलाई समेत पक्राउ गरेको छ । बरामद भएका मोबाइल र मानिस सहित आवश्यक कारवाहीको लागि भैरहवा भन्सार कार्यालय बेलहिया पठाइएको प्रहरीले जनाएको छ ।
प्रहरी टोलीले जिल्ला रुपन्देही सिद्धार्थनगर नगरपालिका वडा नं. १३ बस्ने बर्ष ४० को विशाल जैसवालले आफै घरमा लुकाई छिपाई राखेको अवस्थामा विभिन्न कम्पनीका स्क्रिनटच मोबाईल थान–३६ पिस, विभिन्न कम्पनीको सादा मोबाईल थान–१० पिस र पावर वैँक थान–६ पिस वरामद गरी मानिस सहित नियन्त्रणमा लिएको हो ।
