निर्वाचनमा गुल्मीका सबै तहमा कांग्रेसलाई विजयी बनाउने प्रतिवद्धता
बुटवल, १६ चैत्र । नेपाली कांग्रेस गुल्मी सत्यवती रुपन्देही तराइ सम्पर्क समितिले बुटवलमा भित्तेपात्रो बिमोचन तथा कार्यकर्ता भेला सम्पन्न गरेको छ । गुल्मीको सत्यवतीमा जन्म भई विभिन्न पेशा ब्यवसाय तथा बसाई सराई गरी तराई झरेका सत्यवती गाउँपालिका बासीहरुले नेपाली कांग्रेसको संगठनलाई थप मजवुत र क्रियाशिल वनाउने उद्देश्य अनुरुप गठन भएको समितिले आगामी निर्वाचनलाई लक्षित गरी कार्यकर्ता भेला र क्यालेण्डर विमोचन कार्यक्रम गरेको हो ।
नयां बर्ष २०७९ सालको क्यालेन्डर गुल्मी सत्यवती गांउँपालिकाका अध्यक्ष पारेश्वर ढकाल लगायतले बिमोचन गर्नुभएको हो । सो अबसरमा बोल्दै प्रमुख अतिथि समेत रहेका ढकालले गुल्मीका सबै तहमा नेपाली कांग्रेसलाइ बिजयी बनाएर चारतारे झण्डा फहराउनुपर्नेमा जोड दिनुभयो ।
सत्यवती गाउँपालिकामा आफुले जनताको हितमा काम गरेको भन्दै अबको निर्बाचनमा गुल्मीका सबै स्थानीय तहमा कांग्रेसलाई बिजयी बनाउन सबै लाग्नुपर्ने बताउनु भयो । कांग्रेस गुल्मी सत्यवती रुपन्देही तराइ सम्पर्क समिति अन्तर्गत रुपन्देहीमा रहेका कांग्रेसका मतदातालाइ थप शशक्त र क्रियाशिल बनाउनुपर्नेमा समेत उहांले जोड दिनुभयो । कांग्रेस गुल्मी सत्यवती रुपन्देही तराइ सम्पर्क समितिका अध्यक्ष निर्मल प्रकाश भण्डारीको अध्यक्षतामा भएको कार्यक्रममा नेपाली कांग्रेस गुल्मीका सदस्य गोपाल पाण्डे, गंगा भण्डारी, महासमिति सदस्य अमृत ज्ञवाली, महाधिवेशन प्रतिनिधि तुलसी पाण्डे, क्षेत्रिय सचिव माधव ढकाल, प्रदेशसभा सभापति सन्तोष गौतम, तिलोत्तमा वडा न ५ का सभापति रमेश डुम्रे, कांग्रेस सत्यवती गाउा समितिका सभापति बिष्णुप्रसाद भण्डारी लगायतले बोल्दै समितिलाइ साझा थलोको रुपमा बिकास गर्नुपर्ने र चुनावमा कांग्रेस जिताउन लाग्नुपर्ने बताउनु भयो ।
सम्पर्क समितिका सचिव अर्जुन ज्ञवालीको संचालनमा भएको कार्यक्रममा स्वागत उप सभापति प्रकाश भट्टराइले गर्नुभएको थियो ।
