बुटवल २८ भदौ
लुम्बिनी प्रादेशिक अस्पतालले कोरोना पीसीआर परिक्षण शुल्क अब २ हजार ५ सय रुपैयामा गर्ने भएको छ ।
यसरी परिक्षण गरिएकाको रिर्पाेट सोही दिन दिइनेछ । परिक्षण क्षमता वढाएर दैनिक ४ सय देखि ५ शय जनाको परिक्षण गर्न सकिने भएको छ । उच्च जोखिममा परेका विरामीहरूको हकमा निशुल्क परिक्षण गरिने छ ।
यसवाहेक सिकिस्त वा डाक्टरले आवश्यक छ भन्ने लागेमा त्यस्ता व्यक्तिको हकमा पनि साविक वमोजिम निशुल्क पीसीआर परिक्षण हुने कुरा अस्पतालका मेसु डा राजेन्द्र खनालले बताउनु भयो ।
यस अघि पहिलो पटक ५हजार ५ सय परिक्षण शुल्क रहेको थियो भने पछिल्लो समय ४हजार ४ सय रहेको थियो । २ हजार ५ सयमा सोमबारदेखि लागू हुनेगरी निर्णय गरिएकोअस्पतालका मेसु खनालले बताउनु भयो । अस्पतालले गत असार २१ गतेवाट पीसीआर परिक्षण शुरु गरेकोमा आईतवारसम्म १२ हजार ९७५ जनाको पीसीआर परिक्षण गरेकोमा ९७७ जनाकोरिर्पोट प्रोजेटिभ आएको अस्पतालले आईतवार गरेको पत्रकार सम्मेललनमा अस्पताल विकास समितिका अध्यक्ष शुय बहादुर भट्रराईले बताउनु भयो । पहिला किटको खरिद मुल्य नै महगो भएको र अहिले किटको मुल्य पनि सस्तो हुदै आएकाले पीसीआर परिक्षणको शुल्क घटाएको पनि अध्यक्ष भट्रराईले बताउनु भयो ।
उच्च जोखिममा परेका तथा ततकाल अप्रेशन गर्नु पर्ने विरामीहरूको लागि भने जिन एक्सपट प्रविधीद्धारा पीसीआर परिक्षण गरिने व्यवस्था अस्पतालले मिलाएको छ । जिन एक्सपट प्रविधीद्धारा हालसम्म २८३ जनाको परिक्षण गरिएकोमा ६९ जनाको रिर्पोट प्रोजेटिभ आएको पनि पत्रकार सम्मेलनमा बताईएको थियो ।
अब अस्पतालले दैनिक २ सिफटमा पीसीआर परिक्षण गर्ने जनाएको छ । प्रदेश र संघिय सरकारले अस्पताललाई जुन हिसावले आर्थिक सहयोग गर्नु पर्ने थियो त्यो अनुरुप हुन नसकेको गुनासो पनि मेसु खनालले गर्नु भएको थियो । अस्पतालमा पीसीआर परिक्षण शुरु भएपछि ४ जना कोरोना संक्रमित रहेका महिलालाई सुत्केरी गराईएकोमा उनिवाट जन्मिएका ३ जना नावालकमा समेत घरपरिवारले गराएको पीसीआर परिक्षणमा रिर्पोट प्रोजेटिभ आएको समेत मेसु खनालले बताउनु भयो ।
