भैरहवा । रुपन्देही प्रहरीले जवर्जस्ती करणी आरोपमा गाउँपालिकाका दुई कर्मचारी सहित ३ जनालाई पक्राउ गरेको छ ।
जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक(डिएसपी) मनोहर प्रसाद भट्टले जबरजस्ती करणी आरोपमा ३ जनालाई हिरासतमा लिएको पुष्टि गर्नुभयो । यद्यपी यो विषय अनुसन्धानमै रहेका कारण आरोपितको नाम भने प्रहरीले सार्वजनिक गरेको छैन ।
पिडित नाबालिक रहेको र उनलाई रोजगारीको प्रलोभन दिएर ३ जनाले जबरजस्ती करणी गरेको पिडित पक्षको आरोप छ ।
श्रोतका अनुसार पक्राउ पर्नेमा कोटहीमाई गाउँपालिकामा कार्यरत कर्मचारी ३२ वर्षिय मनोहर चौधरी, उद्यम विकास सहजकर्ता मुकेश चौधरी र वडा नम्बर ३ का वडा अध्यक्ष विष्णु नारायण पाण्डेका छोरा ३५ वर्षिय छोरा बंटी भन्ने शैलेश पाण्डे रहेका छन् ।
यस बिषयमा अनुसन्धान भईरहेको र थप कुरा पछि सार्वजनिक गर्ने प्रहरीले जनाएको छ ।
