तिलोत्तमा उद्योग बाणिज्य संघमा नवनिर्वाचित पदाधिकारीको पदस्थापन

तिलोत्तमा । तिलोत्तमा उद्योग बाणिज्य संघको दशौं वार्षिक साधारण सभा तथा चौथो अधिवेसनबाट निर्वाचित पदाधिकारी तथा सदस्यहरुको सोमवार पदस्थापन गरिएको छ । नवनिर्वाचित अध्यक्ष ज्ञानेन्द्र कार्कीलाई संघका अध्यक्ष गुणनिधी भण्डारी ९माधव०ले पदस्थापन गराउनु भएको हो । संघको अधिबेशनबाट संघको बरिष्ठ उपाध्यक्षमा सुरज पंगेनी, उद्योग उपाध्यक्षमा सूर्यप्रसाद न्यौपाने, बाणिज्य उपाध्यक्षमा विष्णुप्रसाद भण्डारी र महासचिवमा राजकुमार पाण्डे सर्वसम्मत निर्वाचित हुनुभएको थियो । त्यसैगरि संघको कोषाध्यक्षमा टिकाराम भण्डारी, सचिवमा बीना न्यौपाने, सहसचिवमा कृष्णप्रसाद पाण्डे र सह कोषाध्यक्षमा बसन्त रोक्का सहित २१ सद्स्यिय कार्य समिति सर्वसम्मत निर्वाचित भएको प्रमुख निर्वाचन अधिकृत खिमानन्द भट्टराईले जानकारी दिनुभयो ।
पदस्थापन कार्यक्रमको उद्घाटन गर्दै तिलोत्तमा नगरपालिकाका नगर प्रमुख रामकृष्ण खाँणले ब्यवसायिक हकहित र बिकासकालागि आफू सदैव साथमा रहेको बताउनुभयो । ब्यवसायिक एकता र सहकार्यबाट मात्र आर्थिक समृद्धि सम्भव हुने उल्लेख गर्दै अहिलेको आवश्यकता भनेकै ब्यवसायिक एकता रहेको बताउनुभयो । बिभिन्न परिस्थितिका कारण ब्यवसायीहरु पलायन हुने अवस्था सृजना भइरहेको बताउंंदै उहांले ब्यवसायलाई टिकाउने र चलायमान बनाउने योजनाहरु बनाउन ब्यवसायीलाई सुझाव दिदै यसमा सहकार्य गर्न नगरपालिका तयार रहेको बताउनु भयो । उहांले नवनिर्वाचित पदाधिकारी तथा सदस्यहरुलाई बधाई तथा शुभकामना दिदै कार्यकाललाई रचनात्मक र चलायमान बनाउन आग्रह गर्नु भयो ।
संघका अध्यक्ष गुणनिधी भण्डारी माधवको अध्यक्षता तथा बरिष्ठ उपाध्यक्ष ज्ञानेन्द्र कार्कीको स्वागतमा भएको कार्यक्रममा उद्योग बाणिज्य महासंघका केन्द्रिय सदस्य नवराज श्रेष्ठ, राष्ट्रिय स्वतन्त्र पार्टीका नगर अध्यक्ष रुस्तम कंडेल, बुटवल उद्योग बाणिज्य संघका बरिष्ठ उपाध्यक्ष टङ्कप्रसाद गैरे, पश्चिमाञ्चल पेट्रोलियम डिलर एसोसिएसनका अध्यक्ष हिमाल गैरे, निर्वाचन अधिकृत माधवप्रसाद घिमिरे, संघका महासचिव राजकुमार पाण्डेलगायतले संस्थागत विकास र ब्यवसायिकका हकहितका सवालमा संघ वढि जिम्मेवार हुनुपर्ने धारणा राख्नुभएको थियो ।