तिलोत्तमा । रुपन्देहीको तिलोत्तमा २ तपाहमा रहेको सिद्वेश्वर महादेव तथा राधाकृष्ण मन्दिरको दशौं साधारण सभा तथा चौथो अधिवेन भएको छ । शनिबार सम्पन्न भएको अधिवेशनबाट पुनः खिलबहादुर पौडेल अध्यक्ष रहेको नयां कार्यसमिति निर्वाचित भएको छ ।
जसको उपाध्यक्षमा कमला पन्थी, सचिव प्रेमप्रसाद भुसाल, सहसचिव हेमा थापा र कोषाध्यक्ष इश्वरी पोखरेल रहनु भएको छ । त्यस्तै सदस्यहरुमा दलबहादुर खड्का, चतुरभुज गौतम, बिदुर केसी, नारायणप्रसाद पन्थी र यमुना न्यौपाने निर्वाचित हुनुभएको निर्वाचन समितिका संयोजक लोकनाथ ज्ञवालीले जानकारी गराउनु भयो ।
यस अघि भएको कार्यक्रममा बोल्दै तिलोत्तमा नगरपालिकाका नगर प्रमुख रामकृष्ण खांणले परम्परादेखि धर्म, संस्कृति र संस्कारसंग जोडिएका मठमन्दिर संरक्षण गर्नुपर्ने बताउनुभयो । उहांले समाजलाई एकतावद्व बनाउन एकले अर्काको अस्तित्वलाई स्वीकार गर्नुपर्ने बताउंदै मन्दिरको विकासका लागि सहयोग पुराउने प्रतिवद्वता जनाउनुभयो । तिलोत्तमा वडा नम्बर २ का वडाध्यक्ष दिलबहादुर भट्टराईले धार्मिक परम्परा, संस्कार, संस्कृतिसंग जोडिएका नगरभित्रका मठमन्दिरहरु संरक्षण गर्नुपर्ने र त्यसका लागि सहयोग पुराउने प्रतिवद्वता जनाउनुभयो ।
कार्यक्रममा पत्रकार खिमानन्द भट्टराई, तिलोत्तमा वडा नम्बर २ का पूर्व वडाध्यक्ष टंक तिवारी, नरबहादुर कार्की, कालिका अधिकारी, श्यामलाल खत्री, यदुनाथ पाण्डेय, इन्द्रमणी अर्याल, कमला घिमिरे, बसुन्धरा पाण्डेय लगायतले बोल्नुभएको थियो । खिलबहादुर पौडेलको अध्यक्षता र सचिव प्रेमप्रसाद भुसालको सञ्चालनमा भएको कार्यक्रममा इश्वरी पोखरेलले कोषाध्यक्षको प्रतिवेदन र लेखा प्रतिवेदन गोविन्द भुसालले प्रस्तुत गर्नुभएको थियो ।
