रामकुमार श्रेष्ठ
नवलपरासी, २१ बैशाख । पश्चिम नवलपरासीमा कोरोना संक्रमणको आशंकामा स्वाव संकलन गरि परीक्षण गरिएका २ सय ७ जना सबैको परीक्षण रिपोर्ट नेगेटिभ आएको छ । प्रदेश ५ मा एकाएक कोरोना संक्रमितको संख्या बढ्न थालेपछि प्रदेश ५ अन्तरगतको पश्चिम नवलपरासीमा स्वाव संकलन र परीक्षणलाई तिब्रता दिइएको छ ।
पश्चिम नवलपरासीबाट कोरोनाको आरटिपिसिआर परिक्षणका लागि नमुना (स्वाव) पठाईएका सबै २ सय ७ जनाकै रिपोर्ट नेगेटिभ आएको जिल्ला स्वास्थ्य कार्यालय पश्चिम नवलपरासीले जनाएको छ ।
आईतबार थप ५५ जनाको आरटिपिसिआर रिपोर्ट नेगेटिभ आएसँगै २ सय ७ जना सबैको रिपोर्ट आएको हो । सबैको रिपोर्ट नेगेटिभ आएको जिल्ला स्वास्थ्य कार्यालयका प्रमुख गौरब ढकालले जानकारी दिनुभयो । जिल्लाबाट २ सय ७ जनाको स्वाव संलकन गरि काठमाडौंको टेकुमा रहेको राष्ट्रिय प्रयोगशालामा पठाईएको थियो ।
आईतबार बर्दघाटबाट पठाईएका नमुनाको रिपोर्ट नेगेटिभ आएको हो । प्रदेश सरकारले कोरोना परिक्षणका लागि स्वाव संकलन गरि पठाउन आवश्यक भिटिएम किट उपलब्ध गराए संगै जिल्लामा पहिलो चरणमा संस्थागत क्वारेन्टाईनमा रहेकाहरुको स्वाव संलकन गरि परीक्षण गर्न काठमाडौ पठाईएको हो ।
प्रदेश सरकारले २ सय ९७ ओटा किट उपलब्ध गराएकोमा २ सय ७ किट प्रयोग भईसकेको छ भने बाँकी ९१ भिटिएमबाट पनि स्वाव संलकन गरि पठाईने जिल्ला स्वास्थ्य कार्यालयका प्रमुख गौरब ढकालले जानकारी दिनुभयो । हालसम्म बर्दघाटका ३४, सुनवलका ३७, रामग्राम, प्रतापपुर, सुस्ता र सरावलका २५, २५ जना र पाल्हीनन्दनका ३६ जनाको आरटिपिसिआर रिपोर्ट परीक्षण गरिएको हो । जिल्लाका विभिन्न स्थानमा रहेका क्वारेन्टाईनमा हाल कुल १ सय १८ जना छन् ।
