बुटवल, २१ वैशाख
बुटवलउपमहानगरपालिका १३ का नेपाली काँग्रेसका पुराना नेता दुल्लौप्रसाद खनालको निधन भएको आईतवार ७ औ दिनको पुण्य तिथिमा शोकसभा सम्पन्न भएको छ । उहाको यही बैशाख १५ गते ८५ बर्षको उमेरमा निधन भएको छोरा नारायण खनालले बताउनु भयोे । बुटवल १३, जितगढिमा नेपाली काग्रेस बुटवल १३ का सभापति पुरूषोत्तम बस्यालको सभापतित्वमा भएको कार्यक्रममा उहाँको जीवनीबारे नगर सचिव तथा उहाँका भान्जा ज्योति भण्डारीले बताउनुभएको थियो । वार्ड अध्यक्ष नारायण पुनले उहाँले नेपाली काग्रेसका लागि पुर्याउनु भएको योगदानका बारे चर्चा गर्नु भएको थियो । प्रमुख अतिथि नेपाली काँग्रेस नगर सभापति खेलराज पाण्डेले उहाँले स्याङ्जाको पकवादिमा रहदा गर्नुभएको योगदान, धार्मिक र सामाजिक क्षेत्रमा खेल्नु भएको भुमिका साथै बुटवल बसाई सराई गरेपछि गर्नु भएको योगदानका बारेमा भनाईहरू राख्नु भएको थियो ।कार्यक्रम सन्चालन खिमानन्द पौडेलले गर्नु भएको थियो ।
