बुटवल ७ माघ
प्रदेश ५ का दुई सरकारी अस्पतालमा प्रदेश सरकारले अध्यक्ष नियुक्त गरेको छ । बुटवलमा रहेको लुम्बिनी प्रादेशिक अस्पताल र रोल्पाको रोल्पा अस्पतालको अध्यक्ष तथा सदस्य पदमा प्रदेश सरकारले मनोनयन गरेको हो ।
मन्त्रिपरिषद् बैठकले लुम्बिनी प्रादेशिक अस्पतालको अध्यक्षमा बुटवल ८ निवासी सूर्यबहादुर भट्टराई र रोल्पा अस्पतालको अध्यक्षमा फविन्द्र आचार्यलाई मनोनयन गरेको भौतिक पुर्वाधार विकास मन्त्री एवम् सरकारका प्रवक्ता बैजनाथ चौधरीले बताउनु भयो ।
यस्तै मन्त्रिपरिषद्ले लुम्बिनी प्रादेशिक अस्पतालकै सदस्य पदमा बुटवल ३ कि रिज्जु श्रेष्ठ र रोल्पा अस्पताल विकास समितिको सदस्य निमकुमारी सिंहलाई मनोनयन गरेको छ ।
बैठकले प्रदेश सरकारको स्थापना दिवसको अवसरमा गर्न लागेको एक्स्पो कार्यक्रम स्वीकृत गरिएको छ । माघ १० गतेदेखि १२ गतेसम्म दाङमा एक्स्पो हुँदैछ । एक्स्पो सञ्चालन गर्नको लागि ५० लाख रकम बिनियोजन समेत भएको छ ।
बैठकमा प्रदेश पूर्वाधार विकास प्राधिकरणको सीईओको उमेर हकबन्धी संसोधन गरी ३५ वर्ष पूरा गरेको बनाइएको प्रवक्ता चौधरीले जानकारी दिनु भयो । संशोधन पहिले सीईओको उमेर हकबन्धी ५५ वर्ष ननाघेको थियो ।
