युवा संघको अध्यक्षमा क्षितिज थेबे निर्वाचित

काठमाडौं । नेकपा एमालेको भ्रातृ संगठन युवा संघको अध्यक्षमा क्षितिज थेबे निर्वाचित हुनुभएको छ । निवर्तमान अध्यक्षसमेत रहेका थेबे पुनः युवा संघको अध्यक्षमा निर्वाचित हुनुभएको हो ।
यसअघि एमाले अध्यक्ष केपी शर्मा ओलीले निर्वाचन प्रक्रियामा जान नदिई थेबेलाई अध्यक्ष बनाउनुभएको थियो । यसपटक भने थेबे निर्वाचन प्रक्रियाबाट अध्यक्ष निर्वाचित हुनुभयो ।
पोखरामा जारी अधिवेशनमा थेबेले प्रतिस्पर्धी रुपन्देहीका सुमन पुरीलाई पराजित गर्नुभएको हो । निर्वाचनमा १४०४ मत खसेको थियो । थेबेले १८८ मतले सुमन पुरीलाई पछाडि पराजित गर्नुभयो । निर्वाचनमा थेबेको प्यानल नै निर्वाचित भएको छ ।
अध्यक्षमा निर्वाचित हुने थेबेलाई एमाले उपाध्यक्ष एवम् अर्थमन्त्री विष्णु पौडेलको साथ थियो भने पुरीलाई महासचिव शंकर पोखरेलको साथ थियो ।