मोटरसाइकल दुर्घटना हुँदा एक युवकको मृत्यु

बुटवल । रूपन्देहीको बुटवल उपमहानगरपालिका–११ कालिकानगरस्थित सडकमा मोटरसाइकल दुर्घटना हुँदा एक युवकको ज्यान गएको छ ।
योगिकुटीबाट चौराहातर्फ आउदै गरेको ग.१७ प ८७७२ नम्बरको मोटरसाइकल शनिबार दिउँसो दुर्घटना हुँदा चालक स्याङजा घर भएका २७ वर्षीय मिलन गुरूङको मृत्यु भएको प्रहरीले जनाएको छ ।
दुर्घटनामा गम्भीर घाइते भएका गुरूङको बुटवल अस्पताल प्रा.लि.मा उपचारको क्रममा मृत्यु भएको हो । घटना बारे थप अनुसन्धान भइरहेको प्रहरीले जनाएको छ ।