तिलोत्तमा ब्यापार संघद्वारा होली मिलन तथा भित्तेपात्रो विमोचन

तिलोत्तमा । तिलोत्तमा ब्यापार संघ, तिलोत्तमा, रुपन्देहीको आयोजनामा होली मिलन कार्यक्रम बिहीबार मणिग्राममा सम्पन्न भएको छ । त्यस अवसरमा संघले प्रकाशन गरेको २०८२ सालको भित्ते पात्रो समेत विमोचन गरिएको छ ।
कार्यक्रममा बोल्दै संघका संस्थापक अध्यक्ष एवं लुम्बिनी प्रदेश चेम्वर अफ कमर्शका कार्यवाहक अध्यक्ष जेपी कंडेलले हाम्रा पर्वहरुले संस्कार र अनुशासन समेत सिकाउने भएकाले यस्ता पर्वहरुको आफ्नै महत्व रहेको बताउनुभयो । उहांले सामाजिक सदभावको पर्व होलीले व्यावसायिक एकताको वातावरण निर्माण गर्न सकोस् भन्ने शुभकामना दिंदै संस्थागत विकासमा सबै व्यवसायीहरु हातेमालो गर्दै अगाडि बढ्नुपर्नेमा जोड दिनुभयो ।
संघका अध्यक्ष नेत्रप्रसाद न्यौपानेले फागु पर्व (होली) को ऐतिहासिकताबारे चर्चा गर्दै संघले मेलमिलाप र आत्मीयता बढाउन हरेक वर्ष होली मिलन कार्यक्रम गर्दै आएको बताउनुभयो ।
कार्यक्रममा एमाले तिलोत्तमा नगर कमिटी अध्यक्ष मीनप्रसाद पोखरेल, संघका सल्लाहकार इ. दुजेन्द्र बस्नेत, प्रथम उपाध्यक्ष मानबहादुर बर्मा, महासचिव चेतनारायण विश्वकर्मा (विष्णु कालीराज) लगायतले उद्योगी ब्यापारीहरुका धेरै समस्या हुँदाहँुदै पनि अगाडि बढ्नुपर्ने बाध्यता रहेकोले आशावादी भएर अगाडि बढ्न आग्रह गर्नुभएको थियो । कार्यक्रमको संयोजन तारा सुनारले गर्नुभएको थियो ।